NAHUM 2:8 - BIBEL JAMITA NA DENGGAN

⁸ Mangambur be masarsar rayat ni Ninive songon aek na mabulak sian gadu-gadu na matolbak. Tarbege ma na marsurak, “Maradian! Maradian!” hape nada adong na ra ro mangulahi.

NAHUM 2:8 ပူးပေါင်းရင်းမြစ်များ

PAMUNGKAAN 10:11

Kehe ma ia sian luat i tu Asur, dipajongjong ia ma kota Ninive, Rehobot-Ir, Kalah,

JESAYA 13:14

Halak na asing na maringanan di Babel lari ma i tu luatna be; marserak noma halahi songon ursa na marlojong sian parburu sanga songon biri-biri sahulanan na so marparmahan.

JESAYA 38:14

Sorangku mur longon jana lambok, songon darapati morong-orong noma au. Loja matangku hara ni na sai manatap tu langit, Tuhan, palua ma au sian hasusaan on.

JESAYA 47:13

Madung sorat ho hara ni bahat ni sipaingot. Piohon ma antong angka partondung, anso malua ho. Diparsiajari halahi do angka bintang, jana ditontuhon batas ni langit na hembang. Ganop bona ni bulan na imbaru diramal halahi ma bagianmu.

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

JESAYA 59:11

Sude do hami mangorong songon gompul; sai morong-orong songon darapati. Hami painte-inte hatigoran, tapi nada adong, painte-intehon haluaan tapi sai mandao sian hami.

JEREMIA 46:5

Tapi bia do ninna Tuhan! “Munduk do halahi Huida hara ni na tarsonggot. Madung dipukul mundur angka tentara ni halahi, biar sajo roha ni halahi, gabe mangido halahi jana nada manaili tu pudi.

JEREMIA 47:3

Tarbege ma di halahi sora ni parlojong ni kudo, sora ni pargaruntang ni kareta, dohot pargarutuk ni angka rodana. Gabe manggalei ma pangkilalaan ni angka na matobang, jana nada be dipikirkonsa dakdanakna angke madung gale sanga nada margogo be.

JEREMIA 50:16

Ulang paloas hamu jolma disi marsuan-suanan sanga manyabi. Marmulahan noma sude halak na asing na maringanan disi tu tanona be, dibaen mabiar do halahi tu tentara na ro i.”

JEREMIA 51:13

Na kayo do luat i jana bahat batang aekna, tapi madung abis hatiha ni ngoluna; madung dapot ujung ni ngoluna.

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

NAHUM 1:1

On ma tona ni Debata taringot tu Ninive. Marhite parnidaan do dipaboa tona i, i ma na dilehen tu si Nahum, sada halak panurirang sian Elkos.

NAHUM 3:17

Songon siapor do angka halak na godang sian ho, na marsiholip di angka tembok taran di ngali ni ari. Tapi dung bincar mataniari, manigor mago be ma halahi marhabangan; sahalak pe nada adong umboto sanga na tu dia halahi kehe.

HALUMBAAN 17:1

Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.