NAHUM 2:4 - BIBEL JAMITA NA DENGGAN

⁴ Maradu hipas angka kareta di dalan i tu jolo. Di galanggang marsikojaran halahi. Songon obor idaon gara-gara, marpacu maradu hipas humasiksak songon hilap.

NAHUM 2:4 ပူးပေါင်းရင်းမြစ်များ

PODA 31:21

Nada ganggu rohania muda dapot musim ngali, dibaen singkop do baju panas di isi ni bagasna.

JESAYA 37:24

Ditongos ho ma suruanmu mamburas, na dung nitaluhonmu marhite sude kareta porangmi angka dolok pargincat na di Libanon. Manggodang ma ho mandok na dung ditaba ho angka bona ni sampinur na gumincat dohot na jumegesna disi, jana dibolusi ho angka harangan godang na tumobangna i.

JESAYA 66:15

Giot ro ma Tuhan marhite api. Jana karetaNia songon halingsungsung, laho palaluhon rimasNa na marapi purun.

JEREMIA 4:13

Ligi da, marmuldopan musu i songon ombun. Angka kareta porangna i songon halingsungsung, angka kudona i humipas sian unggas rajawali. Marjaya ma hita on! Mago ma hita!

JEREMIA 46:9

Marpacu ma da, angka kudo! Mardalan ma da angka kareta! Maju ma da angka na gogo sian Sudan. Songon i dohot sitiop parince na sian Libia dohot panyior na malo na sian Lidia.’ ”

JEHESKIEL 23:24

Hobukon ni halahi ma ho sian Utara dohot tentara na bahat, dohot angka kareta porang dohot angka kareta na maroban bohal. Hobukon ni halahi ma ho, marhite parlindungan ni parince dohot angka kupia baja. PadiaronKu do halahi manguhumi ho mangihutkon angka aturan ni halahi sandiri.

JEHESKIEL 26:10

Songon i ma bahat ni kudo ni halahi jabat do sap sude ho abuan na habang hara ni pandege ni kudo i. Humutur angka tembokmu hara ni pangkutur ni sora ni parangan na markudo na maroban kareta inganan ni bohal dohot kareta porang muda mamolus halahi sian angka pintu ni horbangan ni kota na dung marsegoan i.

JEHESKIEL 26:7

Didok Tuhan Debata i ma, “ObanonKu ma Raja Nebukadnesar sian Babel mamorangi ho ale Tirus. Ro ma raja na gumogo i sian Utara mardongan tentara na bahat, dohot kudo na bahatan maradu angka kareta porang songon i muse parangan na markudo.

DANIEL 11:40

Muda marayak marujung ma kuaso ni raja Siria i, ro ma raja ni Mesir mamorangi ia. Jadi baloson ni raja ni Siria ma parangan i lopus marujung. Padohotonnia ma bahat kareta porang, kudo, dohot kapal. Mangaroro ma ia songon aek magodang jana solatonna bahat luat.