NAHUM 2:3 - BIBEL JAMITA NA DENGGAN

³ Tompa ni parince ni musu, rara, songon mudar dipake baju porangna, Na dung hobas do musu laho manangkup. Tudos tu api, manyirlak bosi ni karetana Panyihal-nyihalon sude kudona.

NAHUM 2:3 ပူးပေါင်းရင်းမြစ်များ

JOB 39:23

Sinjata na nioban ni na manunggang paturatak jana marlinang hona sinondang.

MASMUR 80:13

Diugei ma i lopus marsegoan, dohot binatang na di padang-padang pe manjampalisa.

JESAYA 14:8

Marmoga-moga dohot hayu ares dohot sampinur Libanon hara ni na dung madabu raja na kejam i, jana hara ni parkehena i, nada adong be halak na marsuru manaba halahi!

JEHESKIEL 23:24

Hobukon ni halahi ma ho sian Utara dohot tentara na bahat, dohot angka kareta porang dohot angka kareta na maroban bohal. Hobukon ni halahi ma ho, marhite parlindungan ni parince dohot angka kupia baja. PadiaronKu do halahi manguhumi ho mangihutkon angka aturan ni halahi sandiri.

JEHESKIEL 26:7

Didok Tuhan Debata i ma, “ObanonKu ma Raja Nebukadnesar sian Babel mamorangi ho ale Tirus. Ro ma raja na gumogo i sian Utara mardongan tentara na bahat, dohot kudo na bahatan maradu angka kareta porang songon i muse parangan na markudo.

NAHUM 3:2

Bege ma parlisik ni loncing-loncing dohot parderek ni kareta, pamakpak ni kudo dohot panghutur ni kareta.

ZAKARIA 1:8

Di sada parnidaan taran borngin-borngin, huida ma sada halak manaek sada kudo na rara. Maradian ma ia di sada holbung di tonga-tonga ni hayu dulang-dulang. Jongjong ma di pudina i angka kudo na asing, adong na rara, na mera jambu dohot na bontar.

ZAKARIA 11:2

Tangis ma ho ale hayu ara, madung rumpak hayu Ares, madung disegohon angka hayu na togos. Tangis ma hamu angka hayu tarbantin, madung sego harangan golap.

ZAKARIA 6:2

Kareta na parjolo ditarik kudo na rara, kareta paduahon ditarik kudo na lomlom,

HALUMBAAN 12:3

Dung i tarida muse ma tanda na asing di langit. Adong ma sada ulok naga na rara na lobi godang, pitu uluna jana sampulu tandukna. Jana pitu tuku di ginjang ni uluna.

HALUMBAAN 6:4

Dung i ruar ma sada nari kudo na asing. Na rara sun do tompa ni kudo i. Dilehen ma kuaso tu na manengget kudo i laho mangagohon hadameon sian portibi on, anso marsimatean jolma i na sada tu na asing. Dilehen muse ma tusia sada podang na godang.