NAHUM 1:9 - BIBEL JAMITA NA DENGGAN

⁹ Aha dehe maksudmu mangalo Tuhan? Giot pangabisonNia do i; nada pola dua noli ro hasusaan.

NAHUM 1:9 ပူးပေါင်းရင်းမြစ်များ

2 SAMUEL 20:10

Nada diida si Amasa podang na di tangan siambirang ni si Joab i. Tompu ma ditihamkon si Joab podang i tu butuha ni si Amasa, jabat use isi ni butuha ni si Amasa i tu tano. Mate disi do si Amasa, gabe nada pola porlu be tihamon ni si Joab ia mangulahi. Dung i dipatorus si Joab dohot si Abisai angginia ma mangkojar si Seba.

MASMUR 21:11

Dibaen halahi tahi mangalo raja, tapi sangkap ni halahi na jahat i nada marguna.

MASMUR 33:10

Disundati Tuhan do sangkap ni angka bangso, disoadahon Ia do sangkap ni halahi.

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

JESAYA 28:22

Madung hubege haputusan ni Tuhan Debata Na Markuaso i laho mangago sandok luat. Ulang nayang rohamunu di angka hata na hupalalu on. Mur tu maolna lalu di hamu palua diri!

JEREMIA 51:64

lalu dok ma hatana, ‘Songon on ma na giot tarjadi tu Babel. Bonom ma luat on jana nada mulgap be hara ni parmaraan na nitimpalkon ni Tuhan tusi. Olat ni on ma hata ni si Jeremia.’ ”

JEHESKIEL 21:5

Jadi gabe botoon ni sude jolma ma Au do Tuhan, Husintak ma podangKu jana nada be pasarungonKu.’ ”

JEHESKIEL 7:5

Songon on ma pandok ni Tuhan Debata, “Ligi ma, mardapot-dapot noma parmaraan!

HOSEA 7:15

Haru pe Au na pagodang-godangkon dohot na margogoihon halahi, laing martahi na jat do halahi mangalo Au.

NAHUM 1:11

Madung ruar sian ho, ale Ninive, sada halak na gok tahi na jahat. Na mambaen tahi do ia laho mangalo Tuhan.

2 KORINTUS 10:5

jana hami parrumpakkon do angka benteng haginjangon ni roha na nipajongjong laho mangalo na tutu salaho tu Debata. Hami tangkupi do roha ni angka halak jana hami baen halahi unduk mangoloi Kristus.

1 SAMUEL 26:8

Dung i didok si Abisai ma tu si Daud, “Madung dipasahat Debata di borngin on musumu tu ho. Paloas ma hupantikkon ia tu tano i dohot tombaknia i sandiri, anso hupangabis ia santiham hubaen, nada pola jabat dua noli baenonku!”

1 SAMUEL 3:12

Di ari i padalanonKu ma sude ancamanKu sian na parjolo lalu tu na parpudi maradopkon horong ni si Eli.