NAHUM 1:7 - BIBEL JAMITA NA DENGGAN

⁷ Na denggan do Tuhan i, ditolong Ia do bangsoNia taran marhasusaan, dijagohon Ia do halak na marsihohot tuSia,

NAHUM 1:7 ပူးပေါင်းရင်းမြစ်များ

1 JUJUR TAON 16:34

Lehen ma tu Tuhan tarimakasi. Angke na denggan rohaNia, jana nada tarsuhat holongNia.

1 JUJUR TAON 5:20

Ditaluhon halahi do sude jolma i, angke porsaya do angka parajurit i tu Debata jana mangido tolong tuSia do halahi; jadi dioloi Debata pangidoan ni halahi i jana dilehen ma hamonangan di halahi.

2 JUJUR TAON 13:18

Monang ma halak Juda dibaen mangasahon Tuhan Debata ni ompuna do halahi.

2 JUJUR TAON 32:11

Adong he na nidok ni si Hiskia do na giot paluaon ni Tuhan Debatamunu i hamu sian kuasonami? Ulang hamu porsaya disi, harana na paoto-otohon hamu sajo do i. Na giot padiaronnia do hamu mate tangkuraparon dohot manguas.

2 JUJUR TAON 32:21

Jadi disuru Tuhan ma sada surusuruan mamatehon angka parajurit dohot angka perwira ni Asur i. Jadi ila sajo ma roha ni raja ni Asur i mulak tu tanonia. Sanoli dompak di bagasan bagas ni debatania i ia, ro ma sanga na piga halak sian angka anaknia sandiri mamunu ia dohot podang.

2 JUJUR TAON 32:8

Gogo ni jolma do na adong disia, tapi anggo hita adong do Tuhan Debatanta laho mangurupi jana marporang humopkop hita.” Umbege hata ni raja ni halahi i, gabe barani ma rayat i.

ESRA 3:11

Diendehon rayat i ma puji-pujian di Tuhan, diulak-ulahi ma bagian na parpudi i, songon on ma sorana, “Na burju do Tuhan i; jana hot do sapanjangna holong ni rohaNia tu Israel.” Marsurak ma sude rayat i dohot mamuji Tuhan, hara ni na dung dipayakkon pondasi ni Bagas Ni Tuhan.

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

MASMUR 100:5

Dibaen na denggan do Tuhan i jana tongtong manghaholongi sapanjangna do habonaranNia.

MASMUR 20:1

Sai dialusi Tuhan ma ho dihatiha hasusaan, sai Debata ni si Jakob ma mangalehen di ho parondingan.

MASMUR 25:8

Angke na denggan do Tuhan jana tigor do haputusanNia, dipatidahon Ia do dalan tu halak pardosa.

MASMUR 27:5

Tuhan do mangondingi au di hatiha parmaraan, mamunihon au di BagasNa, mangabing au tu ginjang ni dolok batu.

MASMUR 37:39

Dipalua Tuhan do halak na daulat jana diondihon do halahi di hamamasa ni hasusaan.

MASMUR 37:40

Diurupi Ia do halahi jana dipalua, paluahon halahi sian halak na jahat, angke marpangondian do halahi tuSia.

MASMUR 46:2

Gabe nada mabiar hita, haru pe humutur portibi on, dohot angka dolok marbonoman tu tandolan ni laut.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 59:16

Tapi anggo au huendehon do hagogoanMu; ganop manyogot huendehon do holong ni rohaMu na manongtong i. Angke Ho do inganan pangungsianku, inganan parondingan di au di hamamasa ni susa.

MASMUR 71:3

Sai Ho ma parlindungan na sonang di au dohot partahanan na togu; tu Ho do au marlindung dohot martahan, jadi gabe horas torkis ma au.

MASMUR 86:7

Muda susa au, martangiang au tu Ho dibaen dialusi Ho do au.

MASMUR 9:10

Halak na mananda Ho, mararop ni roha tu Ho Tuhan, halak na mangalului Ho nada ra Ho maninggalkon.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

PODA 18:10

Songon palas-palas na togu do Tuhan; tusi do maporus halak partigor anso malua.

JESAYA 25:4

Ho do parlojongan ni halak na pogos dohot na gale, di Ho do halahi sonang di hamamasa ni susa pe. Sian alogo na jorbut diondingi Ho do halahi. Sian pandoit ni na milas dilinggomi Ho do halahi. Ompot mambaen serangan halak na jungkat songon haroro ni bade di ari nonat,

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 17:17

Ulang ma Ho gabe songon songgot-songgot na mambaen mabiar au. Ho do inganan haporusanku muda ro hasusaan.

JEREMIA 24:5

“Angka halak na dung dioban i tu Babel Huetong do i songon batu ni ara na jeges-jeges on; jadi hara ni i, Au Tuhan, Debata ni Israel, giot denggan do baenonKu tu halahi.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

ANDUNG 3:25

Burju do Tuhan tu halak na mararop ni roha tuSia, dohot tu halak na jalak-jalak diSia.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

DANIEL 6:23

Madung disuru Debatangki surusuruanNia laho manghuntam baba ni angka singa i gabe nada disoro au. Dipalua Debata do au angke diboto Ia do na so marsala au tuSia dohot maradopkon raja i.”

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

MATEUS 27:43

Dihaposi Ia do Debata, antong i ma paluahon Ia nuaeng muda na jop do roha ni Debata tuSia! Angke didok Ia do: Anak Ni Debata do Au.”

MATEUS 7:23

Tapi anggo alusKu songon on ma, ‘Nada Hutanda hamu! Morot ma hamu sian Au, angka na jahat do hamu!’ ”

JOHANNES 10:14

Au do parmahan na denggan. Hutanda do angka biri-biringKu jana ditanda halahi do Au,

JOHANNES 10:27

Ditangihon biri-biringKu do sorangKu. Hutanda do halahi jana diihutkon halahi do Au.

SURAT NI SI PAULUS TU PARLAGUTAN ROM 11:22

Jadi sian i tarida hita ma sanga na bia denggan ni roha ni Debata dohot pir ni rohaNia. Pir do tindakanNia anggo tu halak pardosa, tapi anggo tu ho denggan do rohaNia – asal ma laing sian hadengganan ni rohaNia ho mangolu. Anggo inda songon i, ho pe ambungkononNa do muse.

GALATIA 4:9

Tapi saonnari madung ditanda hamu Debata sanga sumintong dope muda nidok, madung ditanda Debata hamu. Biasi dope laing ra hamu mulak mangulahi mandapotkon angka tondi ni portibi on na gale jana na pogos i? Biasi laing ra dope hamu diparhatoban angka tondi i mangulahi?

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.