NAHUM 1:4 - BIBEL JAMITA NA DENGGAN

⁴ Diondam Ia laut jana dipahiang Ia, sude batang aek di pahiang Ia. Gabe harsang Dolok Karmel dohot angka padang na di Basan jana di Libanon malos ma sude angka bunga.

NAHUM 1:4 ပူးပေါင်းရင်းမြစ်များ

PAMUNGKAAN 8:1

Nada dihalupahon Debata si Noak rap dohot sude binatang na adong di bagasan kapal i; mangombus ma alogo dibaen Debata gabe mamungka ma surut aek i.

2 SAMUEL 22:16

Dung i haidaan ma tandolan ni laut i jana mungkap ma ojahan ni portibi, di na mangogar Tuhan tu musuNa jana manggora tu halahi dohot rimasNa.

JOB 38:11

Hudok ma tusi, ‘On do batasmu. Ulang salpui be! Mantak dison ma angka ombakmu na gogo pe.’

MASMUR 104:7

Di na nigorahonMu, marlojong aek i; umbege parentaMu, kehe ia mangompoti.

MASMUR 106:9

Hara ni parentaMu, mahiang ma Laut Rara, dibolus bangsoMu laut i, songon na mardalan di tonga padang.

MASMUR 114:3

Mangaligi i, Laut Galoga pe gabe marlojong, jana Batang aek Jordan marbalik tu julu.

MASMUR 114:5

Ale Laut, biasi he marlojong ho? Ale Batang aek Jordan, biasi marbalik ho?

MASMUR 18:16

Sian ginjang disurduhon Tuhan tanganNa tu au, sian aek na bagas ditarik Ia au.

MASMUR 74:15

Dibaen Ho do mual dohot batang aek na mardalan, dipahiang Ho batang aek na godang.

JESAYA 33:9

Ditadingkon ma luat gabe mamolngit. Malos ma angka tombak Libanon, Rura Saron na napu i gabe songon padang halongonan. Mardabuan angka bulung-bulung ni hayu na di Basan dohot Dolok Karmel.

JESAYA 42:15

HaromkononKu ma dolok dohot tor, Hupahiang duhut dohot angka hayu. Rura na paihut batang aek Hubaen gabe parhorsihan, jana Hupahiang angka ambar.

JESAYA 44:27

‘Hesut!’ ningKu tu tandolan ni laut, ‘Angka batang aekmu pe pahiangonKu.’

JESAYA 51:10

Ho muse do na pahiangkon laut bidang; na mambaen dalan sian aek i, gabe tarbaen bangso na nipaluaMi manariparisa.

JEHESKIEL 30:12

PahiangonKu ma Batang aek Nil jana pasahatonKu ma Mesir sudena tu angka halak parjahat. SuruhononKu ma angka halak sileban mangabisi sude luat i. Au Tuhan, madung mandok songon i.”

JEHESKIEL 38:20

Sude ihan dohot unggas, sude binatang na godang dohot na menek, dohot sude jolma na adong di sisik ni tano on humitir be ma hara ni biarna mangadopi Au. Martolbahan ma angka dolok, marruncuran angka tobing, jana marunggalan ma sandok tembok.

AMOS 1:2

Didok ia, “Marngaur Tuhan sian Dolok Sion. Mangaronggur soraNia sian Jerusalem. Hiang ma angka duhut di padang, duhut pe di Dolok Karmel maradu mahiang.”

AMOS 5:8

Tuhan do na mambaen angka bintang na di ginjang – bintang Poriama dohot bintang Sidongdong. Dipauba Ia do na golap gabe torang dohot arian gabe borngin. Aek na sian laut ditimba Ia tu darat i. Tuhan do na mambaen sudena i.

MATEUS 8:26

Ninna Jesus ma tu halahi, “Ale hamu na menek haporsayaan, biasi he mabiar hamu?” Dung i jongjong ma Jesus manyonggak alogo dohot ombak i. Gabe so ma manigor alogo i.

JOSUA 3:16

magotap ma manigor pardalan ni aek i. Dao di juluan marlagut ma aekna i di Adam, i ma sada kota donok tu kota Sartan. Aek na di jae na mardalan tu Laut Mate magotap ma i sude, lopus tarbaen halak Israel taripar di tano na mahiang tu inganan na di tongtang ni Jeriko.