NAHUM 1:2 - BIBEL JAMITA NA DENGGAN

² Nada ra Tuhan Debata marimbang, sanga ise na mangalo Ia, ingkon dapot uhuman. Di parpiar ni murukNa, tu halahi, dibaloskon Ia pambaenanna be.

NAHUM 1:2 ပူးပေါင်းရင်းမြစ်များ

JOB 20:23

Dompak hataboanna ia mangan minum, disi ma gurgur muruk ni Debata tusia manguhum.

MASMUR 94:1

Ale Debata, Ho do Debata na mambaloskon, patuduhon ma pamalosonMi ale Debata!

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

HARURUAR 34:14

Ulang marsomba tu debata na asing, angke Au, Tuhan, Debata Pangiburu do Au, nada tarpadiar Au adong imbang di Au.

HARURUAR 34:7

Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”

JESAYA 42:13

Ruar do Tuhan marporang songon ulubalang, madung hobas Ia, gogo do rohaNia laho marporang. Digora Ia ma pio-pio di parporangan, patuduhon kuasoNia di paraloan.

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.

JESAYA 51:20

Di suhi-suhi ni ganop dalan, martinggangan angka anakmu abis be gogona. Songon ursa na hona jorat di bagasan tirangkap, taraso di halahi muruk ni Tuhan na santak.

JESAYA 66:15

Giot ro ma Tuhan marhite api. Jana karetaNia songon halingsungsung, laho palaluhon rimasNa na marapi purun.

JEREMIA 25:15

Didok Tuhan, Debata ni Israel ma tu au, “Buat ma galas ni anggur on na dung Hugohi dohot hamumurukKu. Oban ma i tu sude bangso sanga na tu dia ho Husuru. Suru inum ma anggur on tu halahi;

JEREMIA 28:8

Na dung dilumbahon angka panurirang hian do taran so adong dope hita, na giot masa parporangan, tangkuraparon dohot nyae ro tu bahat bangso dohot harajaan na gogo-gogo.

JEREMIA 3:5

Salolot ni lolotna dehe Ia giot muruk sanga mambaen hosom satorusna? Songon i ma didokkon ho tapi dipupu ho mangkarejohon na jat.”

JEREMIA 36:7

Betak na gabe martangiang do halahi tu Tuhan baenon ni i jana muba halahi sian angka parbuatan ni halahi na jahat i. Sun do muruk ni Tuhan tu halahi jana mangondam do tu halahi.”

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JEREMIA 50:15

Marsurak ma hamu paboahon parporangan humaliang kota i! Saonnari madung tunduk Babel. Angka tembokna i madung dirumpakkon jana diparunggalkon. Na palalu hosom do Au saonnari tu Babel. Hara ni i, baen hamu ma tu halahi songon na nibaen ni halahi tu angka halak na asing.

ANDUNG 4:11

Palalu hosom ma Tuhan tu Sion, kotaNa i disurbu Ia lopus mangornop tu tano i.

JEHESKIEL 36:6

Hara ni i manyurirangi ma taringot tu tano Israel jana dokkon ma tu angka dolok dohot tor: Songon on ma didok Tuhan Debata: Tutu di bagasan piar-piar ni murukKu do hara ni na dung marsitaonon hamu dibaen angka bangso.

JEHESKIEL 38:18

Didok Tuhan Debata i ma, “Tapi disi dipungka si Gog mamorangi Israel, manigor muruk ma Au.

JEHESKIEL 38:19

Jana di bagasan parpiar ni murukKu ondamonKu ma, paboa di ari i, ro lalo na gogo di tano Israel.

JEHESKIEL 39:25

Didok Tuhan Debata i ma, “Tapi anggo saonnari haholonganKu noma halak Israel pomparan ni si Jakob i, jana baenonKu halahi sonang mangulahi. Jadi songon i ma Hubaen manjago anso laing tongtong dipasangap goarKu.

JEHESKIEL 5:13

Hilalaonmu ma jorbut ni hamuruhonKu, dohot pangamukKu lopus sombu rohangKu. Dung tulus sudena i, disi pe anso tangkas botoonmu paboa na dung mangkuling Au tu ho, Au Tuhan mangkuling hara ni murukKu marnida na so setia ho.

JEHESKIEL 6:12

Hilalaon ni halahi sude ma panyuraka ni murukKu. Angka jolma na dao di habuangan marnyae i ma lalu mate; na donok mate ma baenon ni porang, jana na deba nari i mate tangkuraparon.

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

JOEL 2:18

Jadi mangulahi ma dipareso Tuhan tanoNia i jana dihaholongi Ia bangsoNia.

HAMALIMON 26:28

mardongan muruk aloonKu hamu. Dung i Huuhum hamu pitu noli dumokdok sian na parjolo i.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

ZAKARIA 1:14

jana disuru surusuruan i ma au palaluhon sanga aha na nidok ni Tuhan Na Markuaso i, “Holong situtu do rohangKu mida kota Jerusalem, jana Huparrohahon situtu do kotangKu na badia i.

ZAKARIA 8:2

Songon on do hata ni Tuhan Na Markuaso i, “Por sajo do rohangKu nian mangurupi Jerusalem, angke holong situtu do rohangKu mida halak pangisina i, jana hara ni holong ni rohangKi gabe gilap do ate-atengKu paida-ida angka musu ni kota i.”

BILANGAN 25:11

“Nada tahan si Pinehas mida halak Israel manyomba debata na asing, dibalik ni Au. Hara ni i nada muruk be Au tu halak Israel, antahonKu ma mamusa halahi.

SURAT NI SI PAULUS TU PARLAGUTAN ROM 12:19

Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

SURAT NI SI PAULUS TU PARLAGUTAN ROM 13:4

Angke pangoloi ni Debata do pamarenta, na markarejo parohon na denggan tu hamu. Tapi muda dibaen hamu na jat, angkon gabe mabiar ma hamu tu pamarenta, harana nada sayang boti pamarenta i maroban podangna. Suruan ni Debata do i mandabu uhum tu halak na mambaen na jahat.

PANGARATAION 4:24

dibaen songon api do Tuhan Debatamunu i na mamosokkon; nada ra Ia padiarkon adong imbangNia.

PANGARATAION 7:10

Tapi nada maralang-alang Ia manguhumi angka na magigi tuSia.

IBRANI 10:30

Angke taboto do sanga ise na mandok songon on, “Au do nampuna pamaloson, Au do na giot mambaen pamaloson!” Jana na mandok muse, “Uhuman ni Tuhan ma bangsoNa.”

JOSUA 24:19

Dung i didok si Josua ma, “Tapi Debata Na Badia do Tuhan; nada ra Ia adong imbangNia. Jadi betak nada sanggup hamu tu pudi on mangoloi Tuhan. Angke muda ditadingkon hamu sanoli on Tuhan, jana kehe hamu mangoloi tu angka debata na asing, nada ampunanNia dosamunu. Balikna do, aloonNia ma hamu jana uhumanNa. PangabisonNa ma hamu, haru pe najolo burju Ia tu hamu.”

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,