MIKA 7:8 - BIBEL JAMITA NA DENGGAN

⁸ Ulang ho marjop ni roha mida au, ale musungku! Angke haru pe madabu au, laing muli jongjong do au. Saonnari di na golap au, tapi sondangan ni Tuhan do au.

MIKA 7:8 ပူးပေါင်းရင်းမြစ်များ

JOB 31:29

Na so jungada do au marjop ni roha hara ni musungku na sumusa; sanga marmoga-moga iba hara ni na marmara ia.

MASMUR 112:4

Marsinondang ma na torang di bagasan hagolapan, di halak na burju, na tigor, parholong dohot paribo.

MASMUR 143:3

Diayak jana disampakkon musu i do au, jana ditaluhon situtu do au. Dipamasuk ia au tu hurungan na golap, gabe songon halak na dung honok mate noma au.

MASMUR 20:8

Tartuktuk ma halahi jana tinggang, tapi anggo hita jongjong do jana hot.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 35:19

Ulang padiar au dipargonjakkon halak na manghosomi au di na so adong dalanna. Ulang padiar au disurak-surahi halak na manghasogohon au so adong dalanna.

MASMUR 37:21

Manginjam do halak parjahat tapi nada dipaulak, hape anggo halak na burju sai basa do jana ringgas mangalehen.

MASMUR 37:24

Muda tinggang pe ia, nada jabat poran bugangnia, angke digolom Tuhan do tangannia.

MASMUR 38:16

Ulang padiar marhasonangan musu i hara ni pardangolanku, ulang paloas manggambung halahi hara ni hataluanku.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 97:11

Halak na tigor ditorangi sinondang, halak na jujur gok jop ni roha.

JESAYA 2:5

O ale hamu pomparan ni si Jakob, beta ma hita mardalan di bagasan sondang ni Tuhan!

JESAYA 49:9

Halak na tarkurung Hulehen haluaan, na di hagolapan obanonKu tu na torang. Salang di dolok na limus pe nada halahi marhahurangan, sapanjang dalan rade do sipanganon.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 9:2

Bangso na mangolu di bagasan hagolapan, madung marnida sinondang na godang. Na maringanan di bagasan halinu ni hamatean madung disondangi hatiuran ni sinondang.

JEREMIA 48:27

Nada he Moab do najolo na mampartatai halak Israel dohot na pailahon halahi songon dia ma rupani panangko na tardapot halahi?

JEREMIA 50:11

Didok Tuhan ma, “O hamu halak Babel, disamun hamu ma bangsongKi. Marjop ni roha ma hamu songon kudo na panyihal-nyihalon jana pahae-pahulu hamu songon lombu na mardege gandum.

JEREMIA 8:4

Disuru Tuhan ma au mandok tu bangsoNia songon on, “Muda tinggang halak, tontu jongjong do ia mangulahi, jana muda lilu halak di dalanna, tontu mulak do ia tu pudi.

JEHESKIEL 25:6

Mangkuling ma Tuhan Debata i, “Martopapi hamu marjop ni roha. Layas diida hamu tano Israel i.

JEHESKIEL 35:15

Laing songon sonang ni rohamunu taran diida hamu Israel artangKi gabe mangalungun. Angka Dolok Seir, lalu sude tehe tano Edom, mamolngit noma i. Jadi gabe botoon ni sude jolma ma Au do Tuhan.’ ”

JEHESKIEL 36:5

hara ni i songon on ma didok Tuhan Debata: Di bagasan piar-piar ni murukKu do Au mangalo angka bangso, jana mangalo sude halak Edom, na manontuhon tanongKu gabe nampunania di bagasan jop ni roha dohot incak-incak, ujungna nampunania noma tanongKu jana abis dirampas.

AMOS 9:11

Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.

OBAJA 1:12

Nada patut sonang ho nian marnida sitaonon ni angka pomparan ni halak Juda i jana marjop ni roha ho di ari hamamagonai. Nada patut ho antong martata taran susa ia.

MIKA 4:10

Ale halak Jerusalem, marngeat jana mangangguhi ma hamu songon ina na tubu-tubuan! Harana, angkon tadingkononmunu noma kota saonnari jana maringanan di padang-padang noma hamu. Angkon kehe ma hamu tu Babel, tapi paluaon ni Tuhan do hamu disi sian angka musumunu.

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MATEUS 4:16

Halak na maringanan di bagasan hagolapan madung marnida sondang na godang! Madung bincar sinondang na torang! Di halak na maringanan di luat na nilinggoman ni hamatean!”

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

2 KORINTUS 4:9

Bahat na mangkosomi hami, hape inda jungada tarpunjung hami. Jana haru pe jotjot hami nibalbalan, tapi nada mate hami.

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.

HALUMBAAN 22:5

Nada porlu be di halahi lampu sanga sinondang ni mataniari, angke nada adong be ro borngin disi boti hara ni na nisondangan ni Tuhan Debata do halahi. Gabe mamarenta ma halahi songon raja ro di salolot-lolotna.