MIKA 7:4 - BIBEL JAMITA NA DENGGAN

⁴ Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri. Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi!

MIKA 7:4 ပူးပေါင်းရင်းမြစ်များ

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 22:5

Tutu nian na dung ditontuhon Tuhan, Tuhan Na Markuaso i do ari on gabe ari hataluan, dohot hagaoron di Rura Halumbaan. Madung dirumpakkon angka tembok ni kota. Marsaringar ma habegean sora ni angguk na mangido tolong di angka dolok.”

JESAYA 55:13

Gonti ni sihupi tubu ma bona ni sampinur, gonti ni latong tubu ma hayu na huskus. Songon tanda na hot na paingotkon tu rohamunu, taringot tu na dung Hubaen, Au Tuhan mambaensa di hamu.”

JEREMIA 10:15

Nada mararga angka gana-ganaan i, sipalayason jana sipabileon do i. Di hadudumpang ni hatihana mago ma halahi sudena.

JEREMIA 11:23

Madung Hubuhul ari laho parohon hamamago tu angka halak Anatot, jana muda dapot hatihana i, sahalak pe nada adong na malua.”

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 8:12

O hamu bangsongKu, patut nian maila ma hamu hara ni sude halayason na dung nibaenmunu on! Hape hapal do bohimunu jana nada mamboto hahaila. Jadi hara ni i angkon madabu hamu songon halak na asing na dung madabu i; abis ma riwayatmunu muda dung Huuhumi hamu. Au Tuhan, madung mandok songon i.”

JEHESKIEL 2:6

Tapi anggo ho ale jolma parsantongkinan, ulang ho mabiar mida angka jolma pangalo i sanga mida na ni pardokkonan ni halahi. Aloon jana palayason ni halahi do ho, lopus songon na mangolu di tonga-tonga ni duri sanga na tada-tada sanga na di tonga-tonga ni halak ho. Haru pe songon i, ulang ho mabiar.

JEHESKIEL 28:24

Didok Tuhan ma: “Angka negara hombar balok na dung jungada mangalayasi Israel, nada be songon runja dohot duri na mambaen hancitan Israel. Botoon ni halahi ma bahaso Au do Tuhan Debata.”

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

NAHUM 1:10

Angke halahi pe angkon mago songon duri na marsijalin-jalinan, abis matutung songon durame na mahiang.

LUKAS 21:25

“Saulahon adong ma angka tanda tarida di mataniari, di bulan dohot di angka bintang i. Di tano on pe hempot be ma angka bangso jana mabiar be hara ni husasak dohot ombak ni laut.

IBRANI 6:8

Tapi anggo angka duri dohot angka duhut do na tubu sian tano i, nada adong guna ni tano sisongon i, jana buraan ma i muse jana ujungna nitutungan lopus abis.