MIKA 7:2 - BIBEL JAMITA NA DENGGAN

² Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

MIKA 7:2 ပူးပေါင်းရင်းမြစ်များ

MASMUR 12:1

Tolong ma, ale Tuhan, angke nada adong be halak na marhabiaran, halak na burju mangoloi Ho maol niluluan.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 57:6

Ditaon musungku do jorgong tu au, digohi biar do rohangku. Dihuar halahi do godung di dalanku, hapengani halahi sandiri tu bagasan madabu.

PODA 1:11

Sugari sura didok halahi, “Beta tajalahi ma jolma jana tabunu. Beta ma marjop ni roha hita marhite na manyaroso halak na so marsala.

PODA 12:6

Hata ni halak na jahat mamatehon; hata ni halak na jujur pangoluhon.

JESAYA 3:5

Hara ni i angkon marsisosakan ma bangso i, na sahalak tu na sahalak nari, na sada tu na asing; na umposo angkon manyonggak amangna dohot inangna, jolma na layas tu jolma na sangap.

JESAYA 57:1

Mate halak partigor, jana nada adong sahalak pe na mampardulihonsa; angka halak na alim hona sintak hosana, jana nada adong na mangantureskonsa; tutu, hara ni na dung rarat hajahaton, hona sintak ma hosa ni halak partigor.

JESAYA 59:7

Sai matua na mambaen sangkap na jahat do hamu jana mopop laho mandalankonsa. Nada jungada sak rohamunu mamunu halak na so marsala. Sanga na tu dia hamu kehe, matua na manderetkon hasesego ma hamu dohot hamamago.

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JEREMIA 16:16

Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

JEREMIA 5:16

jana angka na garang do sitiop sior ni halahi; na mamatehon sajo do halahi nada mananda ibo ni roha.

JEREMIA 5:26

O hamu bangsongKu, adong do sian tonga-tongamunu angka halak na jahat. Songon halak na manaon sambil laho manangkup unggas, songon i ma ditaon halahi jorgong laho manangkup jolma.

JEREMIA 8:6

Madung marsitutu Au manangihon, hape nada tigor rohamunu mandok hata. Umpe adong sahalak sian hamu na manyolsoli pangalahona na jahat i; nada adong na mandok, ‘Aha do hasalaanku?’ Marsitondong dalanna sandiri be do hamu sude songon kudo na mangaroro tu parporangan.

ANDUNG 4:18

Nada tarbaen hami ruar tu alaman, hara ni panjago ni alo na rongkingan. Dapot ma da ajalnami, madung marujung ari-arinami.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

JEHESKIEL 24:6

Didok Tuhan Debata i ma, “Marjaya ma kota i na gok dohot sibunu jolma! Songon huali na tasikon na so unjung dibasu do kota i. Diparuar ma juhut i sian bagasan sasangkorot, lopus nada adong be na tinggal.

HOSEA 5:1

Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

HOSEA 6:9

Songon punguan ni panyamun na mangambat halak pamolus do angka malim na di kota i. Salang di dalan laho tu inganan na badia di Sikem pe puluk do halahi mamunu jolma! Disangajo halahi do mambaen hajahatan i sude.

MIKA 2:8

Dialusi Tuhan ma, “Hamu do na mamorangi bangsongKu songon musu. Dirampas hamu do baju ni halak na baru mulak sian porang jana sonang do rohamunu di bagasna.

MIKA 3:10

Dipature hamu do Jerusalem kota ni Debata i di ginjang ni pamunuon dohot hageduhan.

MIKA 3:2

o hamu na margoyak ni roha mida hatigoran jana mangkaholongi hajahatan! Dibobahi hamu do bangsongKi mangolu-olu, jana disingkili hamu juhutna i sian holi-holina.

ZAKARIA 11:6

“Nada ra be Au maribo ni roha mida sanga ise pe di luat on. Au sandiri pasahatkon sude halak na di luat on tu angka na markuaso. Luntahon ni halahi ma luat on, jana nada rampasonKu i sian kuaso ni halahi.”

BAENON NI ANGKA RASUL 24:9

Dohot do halak Jahudi na disi i mangaduhon si Paulus jana diparhatutu halahi do hata na nidok ni si Tertulus i.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 26:20

Ulang ma antong padiar au hona bunu di tano na asing, dao sian Tuhan. Aha ma he gunana ro raja ni Israel laho mambunu au songon halak na mambunu manuk harangan di dolok-dolok?”