MIKA 7:18 - BIBEL JAMITA NA DENGGAN

¹⁸ Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MIKA 7:18 ပူးပေါင်းရင်းမြစ်များ

PAMUNGKAAN 4:7

Muda na denggan do na nibaenmu, musti angkon tata bohimu; tapi hara ni na nibaenmu na jat, gabe painte-intehon ma dosa laho masuk tu bagasan ate-atemu. Na giot rajaan ni dosa ma dirimu, tapi angkon taluhononmu do i.”

1 RAJA-RAJA 8:23

lalu martangiang, “Ale Tuhan Debata ni Israel, di langit dohot di tano on, nada adong debata na songon Ho. Dipatulus Ho do janjiMu jana dipatidahon Ho do holongMu tu sude bangsoMu na sai burju jana mangoloi tu Ho sian nasa rohana.

2 JUJUR TAON 30:9

Muda dirohahon hamu Tuhan, gabe maribo ni roha ma angka halak na maroban koum sisolkotmunu tu habuangan i jana suruonna ma halahi mulak mangulahi. Debata na burju jana paribo roha do Tuhan Debatamunu i; ParrohahononNia do hamu muda diparrohahon hamu Ia.”

NEHEMIA 9:17

Nada ra patu halahi, sude hadenggananMu dihalupahon do, jana sude pambaenanMu hahomangan i sian parningotanna abis do. Sian ginjang ni rohana, dipili halahi ma sahalak ketua. Sai giot tu Mesir do halahi, mangulahi gabe hatoban. Hape Debata na sai mangampuni do Ho, silapang andora, na basa jana na sun paribo. Na sun do antong hasurungan ni holongMi: Nada Ho manadingkon halahi.

MASMUR 103:13

Songon asi ni roha ni ama-ama mida angka anakna do, asi ni roha ni Tuhan di angka na manghabiari Ia.

MASMUR 130:4

Hape diampuni Ho do hami, diarop rohangku do janjiNa.

MASMUR 35:10

Sian sandok rohangku hudok hatangku, “Tuhan, nada adong da tudosanMu! Diondihon Ho do na gale sian na gogo na pogos dohot na marhancit sian na manyosaksa.”

MASMUR 65:3

Na borat ma da boban ni dosanami, hape diampuni Ho do i sudena.

MASMUR 65:4

Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

MASMUR 71:19

Sagincat ni langit hatigoranMu, ale Debata; na godang do karejo ni tanganMu, ise ma he na tarpatudos tu Ho?

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

MASMUR 89:6

Di langit ni langitan nada adong na tudos dohot Ho, Tuhan, nada adong pardibanua ginjang na sarupa dohot Tuhan.

MASMUR 89:8

Ale Tuhan, Debata Na Markuaso, ise dehe songon Ho? Na gogo do Ho ale Tuhan, jana hasetiaanMu adong di humaliangMu.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

JESAYA 1:18

Ninna Tuhan do: “Ro ma hamu anso tapadenggan. Haru pe rara dosamu songon kirmisi, ias do baenonKu songon itak, haru pe rara songon hasumba, bontar do baenonKu songon hapas.

JESAYA 33:24

Sahalak pe nada adong na humolos di luatta hara ni nyae, jana sesaonNia ma sude dosanta.

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

JESAYA 40:18

Jadi giot tu aha ma patudosonmu Debata, aha ma didok rohamu na sarupa dohot Ia?

JESAYA 40:25

Dohot ise ma he patudosonmunu Au, ise ma he tudosanKu?

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JESAYA 57:10

Hara ni pardalananmu na dao loja ma ho, tapi nada didok ho: “Nada adong arop ni roha!” Dapot ho do gogo na imbaru, hara ni i nada gale ho.

JESAYA 57:16

Angke nada salolotna Au giot mamorso, jana nada giot salolotna Au muruk, anso ulang gabe gale halahi di jolongKu, hape Au do na mambaen hosa hangoluan.

JESAYA 62:5

Songon sada doli-doli na mambuat boru na bujing, songon i ma na manompa ho giot marripehon ho. Songon pangoli na marjop ni roha tu na nibuatnia, songon i ma sonang ni roha ni Debata mida ho.

JESAYA 64:9

Jadi ulang ma marpiar-piar murukMu, ulang sai paingot-ingot be dosanami. Laing timbangi ma jolo di rohaMu, ale Tuhan, hami on laing bangsoMu.

JESAYA 65:19

Au sandiri pe marsurak-surak hara ni Jerusalem, jana marjop ni roha hara ni bangsongKu; di kota i nada adong be habegean sora ni na tangis dohot na mangangguk.

JEREMIA 3:12

Disuru Tuhan ma au kehe tu Israel lalu mandok songon on, “O ale Israel na so setia, mulak ma ho tu Au! Gok ibo ni roha do Au jana nada sapanjangna Au muruk tu ho.

JEREMIA 3:5

Salolot ni lolotna dehe Ia giot muruk sanga mambaen hosom satorusna? Songon i ma didokkon ho tapi dipupu ho mangkarejohon na jat.”

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

JEREMIA 32:41

Sonang ma rohangKu mambaen na denggan tu halahi jana baenonKu halahi hot di luat on sapanjangna.

JEREMIA 33:8

Giot paiasonKu halahi sian angka dosa na dung dibaen halahi maradopkon Au; Huampuni angka dosa dohot pangalaho ni halahi na so ture.

JEREMIA 38:8

kehe ma si Ebedmelek tusi jana didok ia ma tu raja i,

JEREMIA 50:20

Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”

JEREMIA 9:24

Sanga ise na giot manggodang hara ni bagi aha, manggodang ma hara ni na nitandana Au; jana diboto angka sangkapKu. Dibotosa do na so marujung holong ni rohangKu jana bonar boti tigor pambaenanKu. Sudena do i pajop rohangKu. Au do Tuhan na mandok i sudena.”

JEHESKIEL 18:23

Adong he didok rohamu, Au Tuhan Debata marsonang ni roha muda mate halak na jahat i? Nada songon i! GiotKu nian ditadingkon ia ma angka dosania anso laing mangolu ia.

JEHESKIEL 33:11

Dokkon ma tu halahi, mangasahon Au na mangolu, Tuhan Debata nada jop rohangKu muda mate halak parjahat i; tapi sugari mulak ma nian ia manadingkon angka dosana anso tongtong ia mangolu. Ale bangso Israel, antak hamu ma mambaen na jahat! Biasi angkon sai mate hamu?”

JEHESKIEL 33:16

Nada be paingot-ingotonKu angka dosa na nibaenna i, jana mangolu ma ia hara ni na patuluskon sanga aha na tutu dohot na denggan.

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

HOSEA 14:5

“Na manyimbil sian bangsongKu, Hubuat mangulahi, jana sian sandok rohangKu Huhaholongi; jana nada muruhanKu be halahi.

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

AMOS 7:8

Disapai Ia ma tu au, “Aha do diida ho, Amos?” Hualusi ma, “Tali sipat do, Tuhan.” Dung i didok Tuhan ma, “Hupake do tali sipat on laho patuduhon na tudos do bangsongKu dohot tembok na so tigor. Nada pauba-ubaonKu be sangkapKu laho manguhum halahi.

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

MIKA 2:12

Didok Tuhan ma mangulahi, “Ale halak Israel na teba! Angkon palagutonKu do hamu jana pasadaonKu songon biri-biri na mulak tu barana. Songon padang na gok biri-biri, laing songon i ma tanomunu mangulahi gok dohot bahat ni jolma.

MIKA 4:7

Damos halahi dionyakkon jana dao sian huta hagodangan. Tapi sian angka jolma na teba i, giot pungkaonKu ma sada sundut na imbaru. Gabe bangso na godang ma halahi boti na gogo. Au do na mamarenta halahi di Dolok Sion salolot-lolotna.”

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

MIKA 7:14

Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.

ZEPANYA 3:17

Diondihon Tuhan Debatamunu na gogo i do hamu. Hara ni gogo ni kuasoNia, monang hamu. Marmoga-moga Tuhan jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu,

BILANGAN 23:21

Huida ari pangapudian ni Israel na marbungaran; nada hona bala dohot mara Tuhan, i do Debatana. Tudia pe tongtong do dohot Ia. Didok halahi: Ibana do Raja!

LUKAS 15:32

Tapi anggo saonnari na patut do hita mambaen pesta jop ni roha, angke na dung mate do anggimi, hape saonnari mulak mangolu; madung lilu ia, hape saonnari madung mulak.’ ”

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

SURAT NI SI PAULUS TU PARLAGUTAN ROM 11:4

Tapi bia do alus ni Debata tusia? “Hutinggalkon dope pitu ribu halak di Au, na so unjung marsomba tu Baal.”

PANGARATAION 33:26

“O, Israel, boto hamu ma, sumurung do Debata sian sasude debata. Dibolus Ia do langit di bagasan hamuliaan mamintas di ombun mangalehen di hamu tolongan.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

HAKIM-HAKIM 10:16

Dung i diparambungkoni halahi ma sude patung sombaon, lalu marsomba halahi tu Debata. Jadi gabe ibo ma roha ni Debata paida-ida halahi na di hasompitan i.