MIKA 7:17 - BIBEL JAMITA NA DENGGAN

¹⁷ Gabe songon ulok ma halahi mandilati tano, jana songon angka binatang na manjulur di tano i; humitir ma halahi ruar sian bentengna jana ro ma tu jolo ni Tuhan Debatanami, humitir marhite biar tu Ho.

MIKA 7:17 ပူးပေါင်းရင်းမြစ်များ

2 SAMUEL 22:46

Mago sude habaranion ni halahi, jana humitir ruar be sian bentengna i.

2 JUJUR TAON 17:10

Dibaen Tuhan ma sude harajaan na adong humaliang Juda mabiar marporang mangalo Raja Josafat.

MASMUR 18:45

Mago sude hagarangonna i, jana humitir haruar sian bentengna i.

MASMUR 72:11

Marsomba ma sude raja di adopannia, jana sude bangso ma mangoloi ia.

MASMUR 72:9

Angka bangso na di padang parhorsihan tunduk ma tusia jana marsomba muse di jolo ni patnia.

MASMUR 9:20

Padiar ma di bagasan biar halahi, O Tuhan, anso ditanda dirina bahaso na hum jolma sajo do halahi.

JESAYA 25:3

Pujion ni angka bangso na gogo ma Ho, angka bangso na jungkat mabiar mida Ho.

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JESAYA 59:19

Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

JESAYA 64:2

songon api na mambaen soban marjimbur jana na mambaen muse aek gabe gurgur. Pataridahon ma kuasoMu tu musuMu, anso manyikur angka bangso di joloMu.

JESAYA 65:25

Rap manjampal ma sorigala dohot anak ni biri-biri, singa pe mangan durame songon lombu, jana ulok pe mangolu sian abu. Di sude dolokKu Na Badia i nada adong be na mangarugi i, sanga mambaen na jahat,” ninna Tuhan.

JEREMIA 16:16

Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

ANDUNG 3:29

Tapatoruk ma rohanta jana manyora, harana betak adong dope siaropon ni roha.

ZAKARIA 14:5

Marlojongi ma hamu mamolus sian lombang na mambagi dolok i gabe marbola dua. Marlojongi ma hamu songon angka ompu na umpompar hamu di hamamasa ni lalo taran mamarenta si Usia raja ni Juda. Jadi ro ma antong Tuhan Debatangku, diudurkon Surusuruan sudena.

PANGARATAION 32:24

Marmatean ma halahi baenon ni arun dohot na malean disintak hamatean hara ni nyae sihabiaran. Marroan binatang panyoro manjomahi ulok na marbisa mambaen mangangguhi halahi.

JOSUA 9:24

Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

1 SAMUEL 14:11

Jadi di na nipatidahon ni halahi diri ni halahi tu benteng ni Pilistin i, didok halak Pilistin i ma, “Ligi ma, adong halak Ibrani na ruar sian lubang partabunian ni halahi!”