MIKA 7:16 - BIBEL JAMITA NA DENGGAN

¹⁶ Idaon ni angka bangso ma i jana maila ma halahi dung diboto na so adong do hape bagi aha arti ni sandok hagogoan ni halahi. Mago ma roha ni halahi gabe nada be malo mangkuling sanga marbinege.

MIKA 7:16 ပူးပေါင်းရင်းမြစ်များ

JOB 21:5

Tatap ma tu au, gabe tarhalomong ma hamu, jongjong tirjok jana manguntam pamanganmunu.

MASMUR 126:2

Sai torus do hita martata jana marende marjop ni roha gabe jabat dipardokkoni angka bangso na asing, “Godang ma tutu na nipatupa ni Tuhan tu halahi!”

PODA 30:32

Muda na bodo ho gabe ditahi ho na jat, ulang palalu, tapi torang pikiri.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

JESAYA 66:18

Huboto do pikiran dohot parbuatan ni halahi. Ro Au laho paluhutkon angka jolma sian sandok bangso. Muda marlagut halahi, idaon ni halahi ma kuasongKu

JEHESKIEL 38:23

Songon i ma dalanna baenonKu laho patuduhon tu ganop bangso paboa na badia jana na godang do Au. Jadi botoon ni halahi ma bahaso Au do Tuhan.”

MIKA 3:7

Angka jolma na mangalumbahon ari na giot ro, tarila-ila ma i dibaen nada topet hasurirangonnia i. Marlayas ma halahi sude, angke nada dialusi Debata halahi.

MIKA 5:8

Taluhonon ni Israel ma angka musuna jana roncohononna i sudena.

HAGAI 2:22

ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.

ZAKARIA 12:9

Anggo di ari i, abiskononKu ma ganop bangso na mancubo-cubo mamorangi Jerusalem.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

HALUMBAAN 11:18

Madung muruk do angka bangso, tapi madung ro haririmasMu, dohot hatiha anso ni uhum halak na mate i. Dung i anso dilehen Ho upa di angka naposoMu, i ma angka panurirang, di angka na badia dohot angka na manghabiari goarMu, angka na menek dohot na magodang, jana segohononMu ma angka na manyego-nyego tano on.”