MIKA 7:10 - BIBEL JAMITA NA DENGGAN

¹⁰ Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

MIKA 7:10 ပူးပေါင်းရင်းမြစ်များ

2 SAMUEL 22:43

Huropuk halahi lamot songon abu marhabangan, hulonca-lonca halahi songon bustak di dalan-dalan.

MASMUR 109:29

Padiar ma angka musungku dilingkup habilean, jana hahaila manggupgupi halahi songon bulusan.

MASMUR 115:2

Biasi angkon sai pola dokkonon ni angka bangso, “Di dia ma he Debata ni halahi?”

MASMUR 18:42

Hududa halahi songon lamot ni abu na marhabangan, hudege-dege halahi songon bustak di dalan.

MASMUR 35:26

Padiar ma talu jana so marhatontuan sanga ise halak na sonang mida sitaononku. Padiar ma angka na gakgak i tu au marbile jana maila.

MASMUR 42:10

Magopu rohangku hara ni pangincahi ni musu i. Sai torus do sapa-sapa halahi, “Di dia ma he Debatami?”

MASMUR 42:3

Arian na borngin sai tangis do au, hum ilu-ilu noma balanjongku. Ari-arion do sai sapa-sapa musungku, “Di dia ma he Debatamu?”

MASMUR 58:10

Marjop ni roha halak na burju, paida-ida halak parjahat hona uhum, jana mambasu patna dohot mudar ni halak na durako.

MASMUR 79:10

Ulang paloas bangso na asing manyapai salaho tu hami, “Di dia ma Debata ni halahi?” Patidahon ma tu hami pamalosonMu maradopkon angka bangso na mamatehon angka naposoMu.

MASMUR 92:12

Martunas do partigor i songon bona ni kurma, tubu simbur songon bona ni sampinur di Libanon.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 41:25

Madung Hupabangkit sahalak sian Habincaran, sian Utara do ia ro manyerang. Lonca-loncaonnia ma parkuaso songon bustak songon sitopa hudon mangalonca-lonca tano liat.

JEREMIA 49:15

Baenon ni Tuhan ma ho gale jana incahan ni halak.

JEREMIA 51:24

Didok Tuhan ma, “Ligi sandiri ma sanga na bia Hubaen mambaloskon tu Babel dohot halak na disi, sandok hajahatan na nibaen ni halahi maradopkon Jerusalem.

JEREMIA 51:51

Didok hamu do, ‘Dilayasi do hami jana dipaila, nada marbohi hara ni na nijuguhan ni angka halak sileban inganan na badia di bagasan Bagas Ni Tuhan.’

JEHESKIEL 7:18

Marabit goni ma halahi jana humitir ma sude pamatangna i. Cukuron ma ulu ni halahi jana pailaon halahi.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”

OBAJA 1:10

“Jahat do pambaenmu maradopkon angka kahanggimu pomparan ni si Jakob. Jadi hara ni i, roncohonon noma ho, jana ho pe abiskonon noma ro di salolot ni lolotna.

OBAJA 1:12

Nada patut sonang ho nian marnida sitaonon ni angka pomparan ni halak Juda i jana marjop ni roha ho di ari hamamagonai. Nada patut ho antong martata taran susa ia.

MIKA 4:11

Madung marlagut bahat bangso laho mamorangi ho, ale Jerusalem! Pandok ni halahi, “Angkon roncohonon do Jerusalem! Idaonnami ma kota i gabe timbunan ni angka batu!”

MIKA 7:8

Ulang ho marjop ni roha mida au, ale musungku! Angke haru pe madabu au, laing muli jongjong do au. Saonnari di na golap au, tapi sondangan ni Tuhan do au.

ZEPANYA 3:15

Angke madung mantak Tuhan manguhumi hamu; ma pola dipaorot Ia sude musumunu. Tuhan raja ni Israel maringanan di tonga-tongamunu; nada mabiar be ho maradopkon hasusaan.

ZAKARIA 10:5

Monang ma halak Juda songon angka ulu balang na mangalonca-lonca musu songon bustak di dalan. Marporang ma halahi hara ni Au, Tuhan mangurupi halahi, jana taluhonon ni halahi ma parangan ni musu angka na markudo i sude.

MALEAKI 1:5

Idaon ni halak Israel ma i dohot mata ni halahi sandiri jana dokkonon ni halahi ma, “Na godang ma da antong Tuhan; salang tu ruar ni tano Israel pe lalu do kuasoNia!”

MALEAKI 4:3

Gabe dege-degeonmunu ma angka halak na jahat jana lopus songon abuan halahi dege-degeonmunu.

MATEUS 27:43

Dihaposi Ia do Debata, antong i ma paluahon Ia nuaeng muda na jop do roha ni Debata tuSia! Angke didok Ia do: Anak Ni Debata do Au.”

JOSUA 7:9

Tarbege ma pangalaho on tu angka halak Kanaan dohot tu sude angka jolma na asing. Hobuhon ni halahi ma hami jana bunuonna ma hami sudena! Dung i aha dope sibaenonMu laho mampartahankon padenggankon goarMu na sangap i?”

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!