MIKA 6:7 - BIBEL JAMITA NA DENGGAN

⁷ Sonang dehe roha ni Tuhan muda huoban tuSia marribu-ribu biri-biri sanga miak zetun marlobi-lobi? Angkon haulkononku dehe tuSia anakku siangkaan baen tobus ni angka dosangku?

MIKA 6:7 ပူးပေါင်းရင်းမြစ်များ

2 RAJA-RAJA 16:3

Tiruan ni angka raja ni Israel do diihutkon ia, salangkan anaknia sandiri pe dipasahat ia do gabe haul tu gana-ganaan, mangihutkon hasomalan na so ture di angka jolma na hona usir ni Tuhan sian Luat Kanaan di na masuk halak Israel tu luat i.

2 RAJA-RAJA 21:6

Dipelehon ia do anaknia ditutung songon haul. Laing dipadalan si Manase on muse do hadatuon na mangaligi nasib, aji dohot na mangido panogu-noguon tu angka begu. Na borat do pardosaonnia maradopkon Tuhan, gabe pasunggul-sunggul muruk ni Tuhan.

2 RAJA-RAJA 23:10

Tofet, i ma inganan pamelean ni debata na di Rura Hinom, dipahodar do. Jadi dung songon i nada adong be tarbaen halak laho mamelehon dakdanakna songon haul situtungon di Debata Molok.

2 RAJA-RAJA 3:27

Jadi gabe dibuat ia ma anak na giot panggontinia lalu dihaulkon ia ma i di ginjang ni tembok ni kota i gabe haul tu dewa ni Moab. Gabe mabiar ma angka halak Israel, jabat ditarik halahi pasukanna sian kota i lalu mulak tu luat ni halahi.

JOB 29:6

Bahat situtu susu sian pahan-pahananku. Bahat do miak sian angka bona ni zetunku, haru pe disuan di tano na marbatu.

MASMUR 50:9

Nada porlu di Au lombu na sian barana, hambeng na sian habananna i pe nada porlu di Au;

MASMUR 51:16

Haul na nisambol nada tabo di pangkilalaanMu; sugari pe huhaulkon haul situtungon, nada jop rohaMu.

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

JESAYA 1:1

Marisi angka tona do buku on salaho tu Juda dohot Jerusalem na nipatorang ni Debata tu si Jesaya, anak ni si Amos, di hatiha ni si Usia, si Jotam, si Ahas dohot si Hiskia mamarenta di Juda.

JESAYA 40:16

Nada tuk binatang di harangan godang Libanon baen haul situtungon, jana nada tuk angka hayu i baenon gabe sobanna.

JEREMIA 19:5

Madung dipajongjong halahi langgatan pamelean tu Baal laho manutungi anak ni halahi gabe haul situtungon tu Baal, hape nian so jungada Huparentahon sanga Huhatahon songon i jana nada jungada torbit dirohangKu si songon i.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

JEREMIA 7:31

Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.

JEHESKIEL 23:37

Marhamainan do halahi dohot mamunu jolma; madung marhamainan halahi dohot angka gana-ganaan jana dibunu halahi angka dakdanakKu na nitubuhon ni halahi, madung dipelehon halahi angka dakdanak i tu angka gana-ganaan ni halahi.

HOSEA 5:6

Haulkonon ni halahi ma biri-biri dohot lombu ni halahi baen haul di Tuhan, tapi nada marguna sudena i. Angke madung ditadingkon Tuhan halahi, jana nada tarbaen halahi be padumpang dohot ia.

HOSEA 6:6

GiotKu nian ditanda hamu ma Au jana tongtong dihaholongi hamu, nada anso dihaulkon hamu haul tu Au.

HAMALIMON 18:21

Ulang lehen sada pe sian anakmu gabe dihaulkon tu Debata Molok, angke pangalaho na songon i na palayas goar ni Tuhan do i.

HAMALIMON 20:1

Disuru Tuhan ma si Musa

AMOS 5:22

Muda dioban hamu haul situtungon dohot haul gandum nada ra Au manjagitsa. Nada ra Au manjagit angka pahan-pahananmunu na mokmok i na nihaulkonmunu gabe haul pardamean. Nada ra Au mangaligisa.

PILEMON 1:12

Tampuk ni pusupusungkon, hutongos mangulahi saonnari tu ho.

HAKIM-HAKIM 11:31

jana mulak au maroban hamonangan, sanga na ise parjolo ruar sian bagasku laho mangalo-alo au, pasahatonku ma i gabe haul situtungon tu Tuhan.”

HAKIM-HAKIM 11:39

Dung salpu dua bulan, mulak ma ia mandapotkon amangnia, dung i dipatulus amangnia i ma na nijanjihonna i tu Tuhan. Jadi marujung mangolu ni anak boru i dompak di sihabujingonna. I ma asal mulana umbaen na somal di tonga-tonga ni halak Israel,

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.