MIKA 6:6 - BIBEL JAMITA NA DENGGAN

⁶ Aha dehe sihaulkononku tu Tuhan, Debata na di banua ginjang muda ro au marsomba tuSia? Angkon obanonku dehe lombu jara-jara na ummokmok baen sihaulkonon gabe haul situtungon tuSia?

MIKA 6:6 ပူးပေါင်းရင်းမြစ်များ

2 SAMUEL 21:3

jana disapai ia ma tu halahi, “Aha do na tarbaen au di hamu? Sai giot tobusonku do nian hasalaan na dibaen maradopkon hamu, anso mamasumasu hamu tu pusako ni Tuhan.”

MASMUR 116:12

Songon dia ma he tarbaloskon au di Tuhan denggan ni basaNa, na binaenNia tu au?

MASMUR 22:29

Sude halak na jungkat marsomba ma tuSia, sandok bangso ni jolma mangunduk ma tuSia.

MASMUR 95:2

Beta ma mangadop tuSia mardongan logu tarimakasi, marsurak-surak diSia mardongan masmur.

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

HARURUAR 12:5

Tola do pilionmunu sian biri-biri sanga hambeng, tapi angkon jantan do na marumur sataon jana na so martihas.

HARURUAR 23:15

Di bulan Abib, angkon baenonmunu do Pesta Roti Na So Marragi songon na dung Huparentahon tu hamu, angke di bulan i ma hamu manadingkon tano Mesir. Ulang pangan hamu roti na nibaen marcampur ragi salolot pesta sipitu ari i. Ulang hamu ro maribadat tu Au anggo so maroban haul.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

JESAYA 40:16

Nada tuk binatang di harangan godang Libanon baen haul situtungon, jana nada tuk angka hayu i baenon gabe sobanna.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

JEHESKIEL 46:9

Tapi anggo rayat na marroan marsomba tu Tuhan di angka ari na godang, jadi angka na masuk sian horbangan Utara, angkon sian horbangan Selatan do laho mulak dung sidung halahi marsomba. Jana angka na masuk mamolus sian horbangan Selatan, angkon mamolus sian horbangan Utara do laho mulak. Diorai do halak mulak mamolus sian dalan na nibolusnia laho masuk; angkon mamolus sian horbangan na sabariba nari do laho mulak.

DANIEL 3:26

Dung i dipadonok si Nebukadnesar ma tu lambung ni pintu ni purunan i jana pio-pio ma ia: “Jo Sadrakh, Mesakh dohot Abednego, angka naposo ni Debata Na Gumincat! Ruar ma hamu sian purunan i!” Jadi haruar ma halahi.

DANIEL 4:9

“Ale Beltsasar, pamimpin ni angka halak na marilmu, huboto do na nirajaan ni tondi ni angka debata na badia ho, jadi nada adong rahasia na buni di ho. Tangihon ma nipingkon jana patorang ma astuanna.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

DANIEL 5:21

Dipaorot do ia sian parngoluon ni jolma manusia jana pikirannia pe gabe songon pikiran ni binatang. Halode harangan noma dongannia mangolu, manjampal ruput songon lombu jana modom di na tardas so marsiholip maradopkon ombun. Ujungna dioku ia ma na markuaso do hape Debata Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.

HOSEA 5:6

Haulkonon ni halahi ma biri-biri dohot lombu ni halahi baen haul di Tuhan, tapi nada marguna sudena i. Angke madung ditadingkon Tuhan halahi, jana nada tarbaen halahi be padumpang dohot ia.

AMOS 5:22

Muda dioban hamu haul situtungon dohot haul gandum nada ra Au manjagitsa. Nada ra Au manjagit angka pahan-pahananmunu na mokmok i na nihaulkonmunu gabe haul pardamean. Nada ra Au mangaligisa.

MATEUS 19:16

Di na sadari ro ma sada bayo mandapotkon Jesus, “O, Guru!” ning ia, “Na denggan dia do sibaenonku anso dapot au hangoluan na so mantak?”

MARKUS 12:33

Dung i, angkon holong do roha ni jolma mida Debata sian sude rohana, dohot sian sude pikiranna dohot sian sude na adong disia. Dung i muse angkon holong do roha di halak na asing songon na mangkaholongi diri niba sandiri. Dumengganan dope na songon i ulang pado na manghaulkon pahan-pahanan sanga angka haul na asing tu Debata di ginjang ni inganan parkaulan i.”

MARKUS 5:7

Gogo ma didokkon ia, “Jesus, Anak Ni Debata Na Gumincat! Na giot mambaen bia do Ho tu au? Mangasahon Debata, mangido au, ulang ma parkanciti au!” (

LUKAS 10:25

Dung i jongjong ma sahalak Siboto Surat laho mangunjuni Jesus, ning ia ma manyapai, “Guru, aha ma he sibaenonku anso dapot au ngolu na manongtong?”

JOHANNES 6:26

Dialusi Jesus ma, “Satutuna do na Hudok tu hamu: Nada hara ni na dung diastui hamu angka hahomangan na Hubaen i umbaen na nijalahanmunu Au, tapi hara ni na dung butongan do hamu mangan roti i.

BAENON NI ANGKA RASUL 16:17

Sai dipaihut-ihut anak boru i ma si Paulus dohot hami, marsurahi ma ia, “Naposo ni Debata na gumogo i do halak on! Ro pe halahi, na giot paboahon dalan haluaan do tu hamu ale angka dongan!” ning ia.

BAENON NI ANGKA RASUL 16:30

Dung i dioban ia ma halahi tu ruar, didok ia ma, “Ale tuan, aha do sibaenonku anso dapot au haluaan i?” ning ia.

BAENON NI ANGKA RASUL 2:37

Jadi dung dibege angka jolma i na songon i, manorusi ma tu ate-ate ni halahi. Dung i disapai halahi ma tu si Petrus dohot tu angka rasul na asing i, “Hamu angka dongan, aha noma sibaenonnami?”

EPESUS 3:14

Hara ni i ma umbaen na marsinggang au di adopan ni Ama i.

IBRANI 10:11

Sasude Malim Ni Jahudi angkon mandalankon karejo hamalimon ganop ari, jana marpupu ia manghaulkon angka haul na sarupa. Hape dosa aha pe nada adong tarsesa angka haul i.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.