MIKA 6:5 - BIBEL JAMITA NA DENGGAN

⁵ “Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”

MIKA 6:5 ပူးပေါင်းရင်းမြစ်များ

MASMUR 111:4

Gabe parningotan do dibaen Ia angka tanda hahomangan na nibaenNia; paribo jana parholong roha do Tuhan i.

MASMUR 143:11

Palua ma au hombar tu janjiMu, ale Tuhan, hara ni denggan ni basaMu, palua ma au sian hasusaan.

MASMUR 36:10

Sanga ise na mananda Ho, sai hot ma nian dihaholongi Ho, jana parroha sisangunjur lehenonMu hadengganan.

MASMUR 71:19

Sagincat ni langit hatigoranMu, ale Debata; na godang do karejo ni tanganMu, ise ma he na tarpatudos tu Ho?

JESAYA 1:27

PaluaonKu ma Sion di bagasan hatigoran, dohot halak na paubahon rohana.

BILANGAN 22:41

Ancogotna i dioban si Balak ma si Bileam manangkok tu tor Bamot Baal. Sian inganan i diida si Bileam ma deba halak Israel.

BILANGAN 23:27

Didok si Balak ma, “Beta ma tu inganan na asing. Binoto i, betak na paloason ni Debata do buraanmu halak Israel, hara ni au di inganan on.”

BILANGAN 25:1

Dompak marbandar halak Israel di Rura Sittim, mamungka ma adong na marcampur sian angka halaklahi dohot angka boru Moab na adong disi.

BILANGAN 25:2

Dioban angka dadaboru i ma halahi tu angka pesta, marhaul laho pasangapkon Debata Moab. Dipangan halak Israel ma panganon i jana dohot halahi manyomba Baal, debata

BILANGAN 31:16

Nada he diingot hamu, angka dadaboru i do na mangihutkon sipaingot ni si Bileam. Dielek-elek halahi halak Israel maninggalkon Tuhan di Peor, jana hara ni i do dibaen na diparo Tuhan hamatean di tonga-tonga ni halak Israel.

BILANGAN 31:8

dohot ma disi lima raja ni Midian, i ma: Si Ewi, si Rekem, si Zur, si Hur dohot si Reba. Si Bileam anak ni si Beor i pe dibunu do.

BILANGAN 33:49

Marbandar ma halahi di topi ni Batang aek Jordan di holang-holang ni Bet-Jesimot dohot Rura Akasia.

EPESUS 2:11

Ingot hamu ma sanga na bia hamu najolo: “Angka na so marsunat” do hamu didok halak Jahudi na mandok dirina angka na marsunat (na nidokna, i ma na dung maruli tanda na nibaen ni jolma di pamatang ni halahi).

PANGARATAION 16:3

Ulang pangan rap dohot roti na marragi panganon Paskah i. Pitu ari lolotna hamu angkon mangankon roti na so marragi, laing songon di na morot hamu sian tano Mesir maradu mopop. Pangan hamu ma roti i – na margoar roti pardangolan – anso salolot mangolu diingot hamu ari i di na morot hamu sian Mesir, ingananmunu diparhatoban.

PANGARATAION 23:6

Salolot marrumangkon sada bangso hamu, ulang dicubo-cubo hamu mangurupi angka bangso i sanga mambaen sonang halahi.

PANGARATAION 8:18

Ingot hamu ma! Tuhan Debatamunu i do na mambaen mamora hamu. Patunda ni na laing setia do Ia lalu tu sadari on tu janji na nibaenNia dohot ompumunu umbaen na dipatupa Ia na songon i.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.

JOSUA 2:1

Dung i disuru si Josua ma tu Kanaan dua halak mata-mata sian parbandaran na di Sitim. Diparentahon do mata-mata sidua halak i laho manangkasi tano Kanaan di na buni, lumobi kota Jeriko. Jadi kehe ma sidua halak i tu kota i, jana marborngin ma halahi di bagas ni sada dadaboru jalang na margoar si Rahab.

JOSUA 3:1

Ancogotna i, sogot sajo dope ngot ma si Josua dohot sude rayat ni Israel, ditadingkon halahi ma parbandaran ni halahi di Sitim, jana kehe ma halahi tu Batang aek Jordan. Disi ma halahi marbandar lalu painte-intehon hatihana laho manyiborang.

JOSUA 4:19

Di tanggal sampulu bulan parjolo ma halak Israel lalu di bariba ni Jordan. Dung i marbandar ma halahi di Gilgal di Habincaran ni Jeriko.

2 PETRUS 2:15

Gabe lilu do halahi hara ni na so ra halahi mangihutkon dalan na tingkos. Dalan na nibolus ni si Bileam anak ni si Beor nahinan, i do diihutkon halahi. Na sai por sajo do roha ni si Bileam mida upa ni pambaenan na jat.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.

JUDAS 1:11

Marjaya ma halahi! Dalan ni si Kain do na nibolus ni halahi. Anso dapotan upa, gabe didohoti halahi do angka hasalaan songon na nibaen ni si Bileam. Jana mago do halahi hara ni na manggaori songon na nibaen ni si Kora.

HALUMBAAN 2:14

Tapi haru songon i pe, laing adong do piga-piga pangalaho na so dihagioti ni rohangKu di hamu: Adong deba sian hamu na mangihutkon pangajaran ni si Bileam. Diajari si Bileam do si Balak paoto-otohon halak Israel anso mambaen dosa, i ma na mangankon pelean na nihaulkon tu gana-ganaan dohot mambaen pangalaho na markarosuan.

HAKIM-HAKIM 11:25

Diambang ho ma lakna na umburju ho sian si Balak anak ni si Zipor, raja ni Moab i? Jungada ma he si Balak manuntut hak tu halak Israel, jana jungada ma he ia marporang dohot halahi?

HAKIM-HAKIM 5:11

Tangihon! Di lambung ni angka sumur marendei halak na ribur. Paboa-boahon hamonangan ni Tuhan marpupu, hamonangan na nilehenNia tu bangsoNia! Lalu marbaris ma halak ni Tuhan tu horbangan ni kota.

1 SAMUEL 12:7

Saonnari, ulang jolo hamu kehe. Giot tuduonku hamu di adopan ni Tuhan. Ingot hamu ma habasaon ni Tuhan na nipatuduhonNa i tu hamu dohot tu ompumunu.