MIKA 6:2 - BIBEL JAMITA NA DENGGAN

² Ale angka dolok, ale angka jongjongan ni tano, tangihon bo pangaduan ni Tuhan! Adong parkaroNia dohot Israel bangsoNa i jana giot tuntutonNia halahi.

MIKA 6:2 ပူးပေါင်းရင်းမြစ်များ

2 SAMUEL 22:16

Dung i haidaan ma tandolan ni laut i jana mungkap ma ojahan ni portibi, di na mangogar Tuhan tu musuNa jana manggora tu halahi dohot rimasNa.

2 SAMUEL 22:8

Humuntal tano jana humutur, ojahan ni langit pe humusor jana marputar dibaen topet hatiha muruk Debata marpiar-piar parmurukNa.

MASMUR 104:5

Tohong do tano on dipajongjong Ho di ojahanna, gabe nada meol salolot-lolotna.

PODA 8:29

di na niparentahonNa galumbang ni laut anso ulang salpu di angka batasna. Au pe dohot do disi di na mamayakkon ojahan ni portibi.

JESAYA 1:18

Ninna Tuhan do: “Ro ma hamu anso tapadenggan. Haru pe rara dosamu songon kirmisi, ias do baenonKu songon itak, haru pe rara songon hasumba, bontar do baenonKu songon hapas.

JESAYA 3:13

Madung rade Tuhan laho mangaduhon jana mangadili angka bangso.

JESAYA 43:26

Beta hita tu paruhuman; aduhon ma parkaromu, jana buktihon ma antong habonaranmu.

JESAYA 5:3

Jadi saonnari didok donganKi ma, “Hamu sude halak Jerusalem dohot Juda, hamu ma jolo mangadili antara kobun anggurKu dohot Au.

JEREMIA 2:9

Didok Tuhan, “Saonnari parkarohononKu ma bangsongKu mangulahi, jana pomparanna Huadili.

JEREMIA 25:31

Lalu tu ujung ni tano on marsaringar soraNia; dibaen Tuhan parkaro maradopkon angka bangso. Adilan noma sandok jolma jana halak na jahat niuhum mate noma.’ ”

JEREMIA 31:37

Sugari di sada hatiha bolas suhaton langit i, jana ojahan ni tano tarsihiri, di hatiha i ma tulahonKu Israel hara ni sude parbuatan ni halahi na jahat i. Au Tuhan, madung mandok songon i.”

HOSEA 12:2

Sanga aha na nibaen ni halak Israel sian manyogot lalu tu potang, nada adong gunana jana hum na manyegohon do i songon alogo Habincaran. Mur manjadi-jadi do hageduhan dohot hakejamon di tonga-tonga ni halahi. Dipambaeni halahi angka parjanjian dohot Asur jana marboniaga halahi dohot Mesir.”

HOSEA 12:3

Adong do parkaro ni Tuhan dohot bangso Juda; laing uhumonNia muse do dohot Jakob hara ni pangalaho ni bangso i. BaloskononNia ma parbuatan ni halahi i.

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

MIKA 6:1

Tangihon ma sanga aha tuduan ni Tuhan tu Israel. Jongjong ma Ho, ale Tuhan, jana pajojor ma pangaduanMu! Padiar ma dibege angka dolok dohot tor sanga aha na giot dokkononMu.

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

PANGARATAION 4:26

Langit dohot tano ma na gabe saksimunu sadari on, muda ampot nada marpangoloion hamu tu na hudok i, manigor mago ma hamu sian tano na giot siingananmunu na di ipar ni Batang aek Jordan i. Nada pola honok hamu tinggal disi, tapi roncohononkon do sudena.