MIKA 6:16 - BIBEL JAMITA NA DENGGAN

¹⁶ Tarjadi pe sudena i patunda ni na niihutkonmunu ma angka parbuatan jahat na nibaen ni Raja Omri dohot Raja Ahab, anakna i. Diihutkon hamu do antong angka pangalaho ni halahi. Hara ni i roncohononKu ma hamu, jana siincahan dohot silayason ni sandok bangso ma hamu.”

MIKA 6:16 ပူးပေါင်းရင်းမြစ်များ

1 RAJA-RAJA 18:4

Dompak na nibunu ni si Isebel angka panurirang ni Tuhan, ditolong si Obaja do saratus halak panurirang ni Tuhan, ditabunihon ia halahi di angka liang – lima pulu halak di sada liang – jana dilehen ia panganon dohot inumon ni halahi.)

1 RAJA-RAJA 9:8

Bagas parsombaan on, angkon gabe tiranggong, pola tehe sude halak na mamolus disi gabe homang jana tarsonggot. Dohonon ni halahi ma, ‘Biasi dibaen Tuhan i songon i tu luat on dohot tu bagas parsombaan on?’

2 RAJA-RAJA 16:3

Tiruan ni angka raja ni Israel do diihutkon ia, salangkan anaknia sandiri pe dipasahat ia do gabe haul tu gana-ganaan, mangihutkon hasomalan na so ture di angka jolma na hona usir ni Tuhan sian Luat Kanaan di na masuk halak Israel tu luat i.

2 RAJA-RAJA 21:3

Angka inganan pamelean ni gana-ganaan na dung disegohon ni amangnia si Hiskia, dipajongjong ia mangulahi. Dipajongjong ia angka langgatan anso marsomba tu Baal, jana dipambaeni ia angka patung ni Dewi Asera, songon na nibaen ni si Ahab raja ni Israel i. Laing disomba si Manase muse do angka bintang.

2 JUJUR TAON 22:4

Mardosa do si Ahasia tu Tuhan laing songon keluarga ni si Ahab, harana halahi do antong na gabe panuturinia dung mate amangnia i. Angka panuturinia i do na mambaen marmara ia.

2 JUJUR TAON 34:25

Ditadingkon halahi do Au jana kehe halahi marsomba tu angka debata na asing. Pasunggul-sunggul muruk do Au tu Jerusalem, jana nada ra mombun murukKi.

MASMUR 1:1

Martua ma halak na so manangihon sipaingot ni halak parjahat, na so maniru jolma pardosa, jana na so mardongan dohot halak na pabile Debata,

MASMUR 44:13

Diida hombarnami do na nibaenMu tu hami, dipacia-cia jana dipartatai halahi ma hami.

MASMUR 44:14

Dibaen Ho do hami gabe siincahan ni angka bangso, mopeng-openg ma ulu ni halahi lalu mangurkai.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 9:16

Madung dipalilu jana digaor angka pamimpin ni bangso i rayat i.

JEREMIA 19:8

BaenonKu hamamago na mansai jorbut tu kota on, anso sude halak na mamolus sian i tarsonggot jana mangupir.

JEREMIA 25:18

Jerusalem dohot sude kota na di Juda, rap dohot raja-raja maradu angka pamimpinna, hupaksa inumonna anggur i, lopus gabe songon padang na harsang halahi jana songon parbeguan. Lalu tu sadari on dipake do goar ni halahi songon hata bura.

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 29:18

Kojar-kojaronKu halahi marhite porang, tangkuraparon, dohot nyae masa lopus jorbut pangkilalaan ni sude bangso na satano on marnida na masa tu halahi. Siincak-incahan noma halahi jana goar ni halahi gabe songon bura.

JEREMIA 51:51

Didok hamu do, ‘Dilayasi do hami jana dipaila, nada marbohi hara ni na nijuguhan ni angka halak sileban inganan na badia di bagasan Bagas Ni Tuhan.’

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

ANDUNG 5:1

Ingot ma, ale Tuhan, sude na tarjadi tu hami. Tatap ma hami jana ligi ma habileannami.

JEHESKIEL 39:26

Jadi muda mangulahi sonang halahi maringanan di tano ni halahi sandiri, jana nada adong be sahalak pe na mangondam halahi, gabe halupahonon ni halahi ma sanga songon dia hahaila na masa tu halahi hara ni na manghalupahon Au.

DANIEL 9:16

Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

HOSEA 12:14

Disuru Tuhan do sada panurirang laho paluahon halak Israel sian parhatobanan di Mesir, bope laho manjagohon halahi.

HOSEA 5:11

Marhancit do Efraim binaen ni uhuman, angke sai manggogo do ia mangihutkon na so marguna.

MIKA 2:6

Marjamitai angka jolma tu au, mandok, “Ulang be marjamita ho tu hami. Ulang jamitahon sudena i tu hami. Nada ra Debata pailahon hami.

MIKA 6:13

Saonnari pungkaonKu ma mamotuk dohot manyarsarkon hamu hara ni angka dosamunu i.

HALUMBAAN 2:20

Tapi anggo taringot tu pangalaho na sada on, nada jop rohangKu mida hamu: Dilehen hamu do rohamunu tu si Isebel dadaboru na mangoku dirina i suruan ni Debata. Madung miduk sian angka naposongKu na niajarannia dohot na nipaoto-otonia anso markamainan dohot mangankon sipanganon na nihaulkon tu gana-ganaan.