MIKA 6:12 - BIBEL JAMITA NA DENGGAN

¹² Angka halak na mora di hutamu mamoroi do sian halak na pogos, jana pargabus do hamu sudena.

MIKA 6:12 ပူးပေါင်းရင်းမြစ်များ

MASMUR 120:2

Palua ma au ale Tuhan, sian pargabus dohot pangicu.

MASMUR 35:20

Nada pade pangkataion ni halahi; halak na mangkaholongi dame pe ditilakoi.

MASMUR 78:36

Hape hum gabus sajo do dipandok halahi, nada adong na tutu hata na nidokna i.

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 3:8

Satutuna, Jerusalem madung maronco, jana Juda pe madabu, harana hata dohot pambaenan ni halahi mangalo Tuhan jana mangalo hasangapan ni harajaanNa.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

JEREMIA 9:8

Gok parmaraan do angka hata ni halahi, tarbaen mamatehon songon pana na marbisa. Hum gabus sajo do hata ni halahi. Tabo do hata ni halahi manarik tu roha, hape anggo satutuna na manaon sambil do halahi.

HOSEA 7:1

“Muda Hupamalum Israel, gabe tarida ma hasalaan ni Efraim dohot angka hajahatan ni Samaria; angke dikarejohon halahi do margabus, manombom panangko laho masuk jana panyamun mangarampas di luar.

HOSEA 7:13

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

AMOS 6:4

Marjaya ma hamu na modom di podoman na jeges-jeges jana na marpesta mardongan juhut ni lombu dohot biri-biri jara-jara!

ZEPANYA 1:9

UhumanKu ma sandok halak na marsomba songon na so mananda Au, dohot na manangko jana mamunu jolma laho manggohi bagas ni tokena dohot angka barang na dirampas.”

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

BAENON NI ANGKA RASUL 24:9

Dohot do halak Jahudi na disi i mangaduhon si Paulus jana diparhatutu halahi do hata na nidok ni si Tertulus i.

SURAT NI SI PAULUS TU PARLAGUTAN ROM 3:13

Songon kuburan na talak noma aru-aru ni halahi. Mabaor sipaoto-oto sian dila ni halahi, jana bibir ni halahi marbisa songon ulok.