MIKA 5:7 - BIBEL JAMITA NA DENGGAN

⁷ Angka halak Israel na tading dope di tonga-tonga ni angka bangso, tudos tu singa ma i na manjalahi panganonna di harangan sanga di padang-padang. Manyaroso ma singa i tu tonga-tonga ni punguan ni biri-biri, soroanna ma biri-biri i jana parsibakkononna; nada adong na ro mangurupi biri-biri i.

MIKA 5:7 ပူးပေါင်းရင်းမြစ်များ

2 SAMUEL 17:12

Sanga na di dia pe si Daud dapot hita ma i, jana tapajolo ma mamorangi ia painte so diboto ia dope sanga aha na masa. Nada adong na bolas luncat, sanga na ia pe dohot parangannia i.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

MASMUR 133:3

Sanga songon ombun di Dolok Hermon, na mijur tu angka Dolok Sion. Disi ma janjihonon ni Tuhan pasupasuNa, i ma hangoluan na salolot-lolotna.

MASMUR 72:6

Sai songon udan na mijur di padang ma ia, songon udan potir na mambornoki tano.

PODA 19:12

Songon parngaur ni singa do parmuruk ni raja; tapi songon nambur tu suan-suanan do haburjuonna.

JESAYA 32:15

Dilehen do tu hita Tondi sian ginjang. Jadi gabe napu ma tano na harsang jana angka ladang pe mangalehen suhana marlompit ganda.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JESAYA 55:10

Songon udan dohot salju na sian langit i nada jungada mulak, tapi na mijur mambornohi tano, mambaen same martunas dohot martumbur, mangalehen suha sisaburkonon dohot sipanganon,

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEHESKIEL 14:22

Sugari rupani adong na luncat jana tarpaluasa angka dakdanakna, parrohahon hamu ma muda ro halahi tu hamu. Ligi hamu ma sanga na bia jahat ni halahi, jadi gabe botoon ni bangsongKi ma bahaso na tama do uhumanKu Jerusalem.

JEHESKIEL 47:1

Dioban bayo i muse ma au tu pintu masuk ni Bagas Na Badia i. Huida ma aek mamolus sian toru ni pintu i kehe sabola Habincaran. Mardalan sian toru ni Bagas Na Badia i do aek i sabola Selatan mamolus sian topi sabola Selatan ni langgatan i.

JEHESKIEL 5:5

Didok Tuhan Debata ma, “Ligi da, on ma Jerusalem. Hubaen do kota on di tonga-tonga ni angka bangso parbegu jana angka luat ni halahi mangkuliangisa.

DANIEL 11:32

Jadi marhite sipaoto-oto, jajang-jajangon ni raja i ma angka jolma na dung marbalik sian ugamo ni halahi, anso ra mangurupi ia. Tapi aloon ni angka halak na burju marugamo tu Debata do halahi.

HOSEA 14:5

“Na manyimbil sian bangsongKu, Hubuat mangulahi, jana sian sandok rohangKu Huhaholongi; jana nada muruhanKu be halahi.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

MIKA 2:12

Didok Tuhan ma mangulahi, “Ale halak Israel na teba! Angkon palagutonKu do hamu jana pasadaonKu songon biri-biri na mulak tu barana. Songon padang na gok biri-biri, laing songon i ma tanomunu mangulahi gok dohot bahat ni jolma.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

MIKA 4:7

Damos halahi dionyakkon jana dao sian huta hagodangan. Tapi sian angka jolma na teba i, giot pungkaonKu ma sada sundut na imbaru. Gabe bangso na godang ma halahi boti na gogo. Au do na mamarenta halahi di Dolok Sion salolot-lolotna.”

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

MIKA 5:8

Taluhonon ni Israel ma angka musuna jana roncohononna i sudena.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

ZEPANYA 3:13

Halak Israel na malua i, nada mambaen jahat be sanga na tu ise pe; nada margabus be halahi jana nada paoto-otohon. Sonang ma halahi jana dame, jana nada mabiar sanga na tu ise pe.”

ZAKARIA 14:8

Di ari i, mardalan ma aek na lan sian Jerusalem; satonga sian aek i kehe tu Laut Hamatean do jana na satonga nari kehe tu Laut Tonga. Mardalan do torus aek i sasataon, bope di ari nonat sanga pe di logo ni ari.

ZAKARIA 9:13

BaenonKu ma Juda songon sior na sintak, jana Huhobasi Efraim tu parporangan, jana Hupake angka anakmi ale Sion, adop angka anakmu, jana tano Junani baenonKu gabe podang ni sada pahlawan.”

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

BAENON NI ANGKA RASUL 11:15

Jadi di na hupungka mandok hata, ro ma Tondi Parbadia tu halahi tudos tu na masa tu hita nabaruon di mulana i.

BAENON NI ANGKA RASUL 13:46

Tapi mur barani do si Paulus dohot si Barnabas mandok hata. Didok halahi ma, “Tutu do i angkon jolo paboaon do hata ni Debata tu hamu. Tapi hara ni na so ra hamu manjagitsa disi ma ditontuhon hamu sandiri paboa na so tama hamu manjagit ngolu na so mantak i. Jadi saonnari tadingkononnami ma hamu, kehe ma hami mandapotkon bangso na asing.

BAENON NI ANGKA RASUL 16:9

Bornginna i di Troas diida si Paulus ma ro sada halak Makedonia jongjong di jolonia mangido dohot gomos anso taripar ia tu Makedonia mangurupi halahi.

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

SURAT NI SI PAULUS TU PARLAGUTAN ROM 10:20

Umpuluk do si Jesaya mandok, “Madung padumpang dohot Au angka halak na so manjalahi Au; jana madung Hupatidahon diringKu tu halak na so marsapa taringot tu Au.”

SURAT NI SI PAULUS TU PARLAGUTAN ROM 11:12

Angke muda pangalaosion ni halahi gabe hamoraon di portibi on, jana hahurangan ni halahi gabe hamoraon di angka bangso na asing, mur noma di hamamasuk ni halahi sudena.

SURAT NI SI PAULUS TU PARLAGUTAN ROM 9:30

Antong aha ma dohononta saonnari? On do: Angka bangso na asing na so manjalahi hatigoran, madung dapotan hatigoran, i ma hatigoran hara ni haporsayaan.

1 KORINTUS 3:6

Au manyuan jana si Apollos ma manyiram, tapi anggo na patubuhon laing Debata do.

PANGARATAION 32:2

Sai songon parmijur ni udan ma pangajaranku manetehi ma i songon ombun. Jana songon udan ma na hudokkon i tungkis tu suan-suanan na martumbik, songon panetek-netek ni udan di ginjang ni duhut na martubuan.

HAKIM-HAKIM 6:36

Dung i didok si Gideon ma tu Debata, “Tuhan, madung didokkon Ho na ra do Ho mamake au laho paluahon halak Israel.