MIKA 5:3 - BIBEL JAMITA NA DENGGAN

³ Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

MIKA 5:3 ပူးပေါင်းရင်းမြစ်များ

1 RAJA-RAJA 14:16

Tadingkonon ni Tuhan noma Israel hara ni na dung mardosa si Jerobeam jana patundania gabe mardosai muse halak Israel.”

2 JUJUR TAON 30:7

Ulang ma hamu songon angka ompumunu i dohot angka halak Israel na asing na so setia tu Tuhan Debatana i. Madung diida hamu sandiri sanga songon dia dokdokna panguhumiNia tu halahi.

MASMUR 67:3

Ale Debata, sai dipuji angka bangso ma Ho, sai sude bangso ma nian mandok tarimakasi tu Ho.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JEREMIA 31:1

Didok Tuhan ma, “Dapot do i hatihana gabe Au Debata ni sude marga ni Israel, jana halahi gabe bangsongKu.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

HOSEA 2:14

Didok Tuhan ma, “Hara ni i obanonKu ma ia tu halongonan; elek-elehonKu ma ia disi marhite angka holong ni roha.

HOSEA 2:9

Hara ni i, di hamamasa ni sabion tarihonKu noma mangulahi na Hulehen i, i ma gandum dohot anggur maradu wol dohot abit linen pakeannia.

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

MIKA 4:4

Mangolu be jolma di bagasan na aman jana marhasonangan ditonga-tonga ni kobun anggur dohot kobun arana; nada adong be na pabiar-biarkon, i ma da janji ni Tuhan Na Markuaso.

MIKA 4:7

Damos halahi dionyakkon jana dao sian huta hagodangan. Tapi sian angka jolma na teba i, giot pungkaonKu ma sada sundut na imbaru. Gabe bangso na godang ma halahi boti na gogo. Au do na mamarenta halahi di Dolok Sion salolot-lolotna.”

MIKA 5:7

Angka halak Israel na tading dope di tonga-tonga ni angka bangso, tudos tu singa ma i na manjalahi panganonna di harangan sanga di padang-padang. Manyaroso ma singa i tu tonga-tonga ni punguan ni biri-biri, soroanna ma biri-biri i jana parsibakkononna; nada adong na ro mangurupi biri-biri i.

MIKA 5:8

Taluhonon ni Israel ma angka musuna jana roncohononna i sudena.

MIKA 6:14

Mangan ma hamu, tapi nada marnabutong – mur tongtong noma malean. Angkatonmunu ma angka barang-barang, tapi nada tarjagohon hamu; sanga aha na nijagohonmunu roncohononKu ma i di bagasan parporangan.

MIKA 7:13

Tapi anggo tano on gabe gariang noma hara ni hajahatan ni halak na manginganisa.

ZAKARIA 10:6

“PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

MATEUS 12:50

Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.