MIKA 5:2 - BIBEL JAMITA NA DENGGAN

² Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

MIKA 5:2 ပူးပေါင်းရင်းမြစ်များ

PAMUNGKAAN 35:16

Dung i ditadingkon si Jakob dohot rombongannia i ma Betel. Dompak nada sadia dao dope halahi sian Efrata dapot ma hatihana giot hipas si Rahel. Tapi maol do anso sorang dakdanak i.

PAMUNGKAAN 35:19

Dung marujung ngolu ni si Rahel, dikuburkon ma ia di lambung dalan laho tu Efrata, i ma na margoar Betlehem saonnari.

PAMUNGKAAN 48:7

Hara ni inangmu si Rahel do da hubaen songon i. Sun do arsak ni rohangku di parmonding ni inangmi di Kanaan, nada pola sadia dao sian Efrata, di pardalananku laho mulak sian Mesopotamia. Disi do ia dikuburkon, di topi ni dalan laho tu Efrata.” (Betlehem do diboto halak saonnari Efrata i.)

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

1 JUJUR TAON 2:54

Si Salma na mamungka kota Betlehem, ia ma na umpompar halak Netofa, halak Atarot-Bet-Joab dohot halak Zori, i ma sada sian na dua horong na maringanan di Manahti.

1 JUJUR TAON 5:2

Tapi sian sudena pomparan ni si Jakob Marga Juda ma na gumogo jana angka raja ni bangso Israel pe marasal sian marga i muse do.)

MASMUR 132:6

Tarbege do di Betlehem taringot tu Poti Parjanjian, jadi gabe dapot hita do i di Padang Jearim.

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

HARURUAR 18:21

Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.

HARURUAR 18:25

dipili ia ma halak na malo marroha sian bangso Israel. Ditontuhon ia ma sian halahi na gabe pamimpin ni na saribu halak, deba tu saratus halak, deba tu lima pulu halak, jana adong tu na sampulu halak.

JESAYA 11:1

Songon hayu na nitaba do pomparan ni si Daud anak ni si Isai i. Tapi tubu do tunas sian tungko ni si Isai i jana sorang do anakna sian uratna i.

JESAYA 53:2

Songon tumbur do ia tubu di adopan ni Tuhan, jana songon tunas sian tano na mahiang. Nada adong hajegesonna jana nada adong hasangapanna, na mambaen hita mangaligi tusia: Nada adong tompana, na mambaen hita marpor ni roha.

JESAYA 55:4

Hubaen ia gabe pamimpin dohot panglima, saksi ni kuasongKu maradopkon angka bangso.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JEREMIA 30:21

Raja na marasal sian hamu mamarenta di tonga-tongamunu. Roha-rohania do mandonohi Au muda Hupio ia mangadop tu Au. Angke ise ma he na puluk ro mangadop tu Au sian roha-rohana sajo? Gabe bangsongKu ma hamu jana Au gabe Debatamunu. Au do Tuhan, na mandokkon songon i.”

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

AMOS 9:11

Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.

MIKA 4:10

Ale halak Jerusalem, marngeat jana mangangguhi ma hamu songon ina na tubu-tubuan! Harana, angkon tadingkononmunu noma kota saonnari jana maringanan di padang-padang noma hamu. Angkon kehe ma hamu tu Babel, tapi paluaon ni Tuhan do hamu disi sian angka musumunu.

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

MATEUS 2:1

Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem.

MATEUS 2:6

‘Anggo ho ale Betlehem na di Luat Juda, inda bagi na ummenek ho sian angka kota na tarbonggal di Juda. Angke sian ho do ro sahalak Uluan, na manguluhon bangsongKu Israel.’ ”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

LUKAS 23:38

Di ginjang ni parsilang ni Jesus tarsurat do angka pandohan on, “On ma Raja Ni Halak Jahudi.”

JOHANNES 7:42

Harana di Buku Na Badia i tarsurat, sian pomparan ni si Daud do Kristus i jana sorang di Betlehem, i ma Kota Ni si Daud i.”

PANGARATAION 1:15

Jadi gabe hubuat ma angka pamimpin na marbisuk jana na marpangalaman na nipilimunu i sian tonga-tonga ni margamunu, jana huangkat halahi laho mamimpin hamu. Deba ma i dibaen gabe pamimpin ni saribu halak, na asing dibaen pamimpin ni saratus halak, adong ma na nibaen gabe pamimpin ni lima pulu jana adong dibaen gabe pamimpin ni sampulu halak. Huangkat muse dope angka pamimpin na asing na gabe kapala ni angka marga-margamunu.’

KOLOSSE 1:17

Dompak so adong dope sanga na aha, madung jolo adong hian Kristus. Jana hara ni Ia muse do gabe hot diingananna be sasudena na adong i.

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

IBRANI 7:14

Sude do halak mamboto i, na sian Marga Juda do anggo asal ni Tuhanta i; jana si Musa pe nada jungada didok ia marga on muda hatiha manaringoti angka malim ia.

1 JOHANNES 1:1

Taringot tu hata na mangalehen hangoluan do isi ni surat on, i ma Hata na dung adong hian mamungka sian mula ni mulana. Madung hami bege i jana hami ida sandiri dohot matanami. Madung hami ligi jana hami jama dohot tangannami. I ma na hami suratkon tu hamu.

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”

HALUMBAAN 2:8

“Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.

HALUMBAAN 21:6

Dung i didok Ia ma tu au, “Sasudena i madung tarjadi, Au do Na Parjolo dohot Na Parpudi, Bonana dohot Ujungna. Halak na manguas Hulehen do minum sian mual hangoluan i.

HAKIM-HAKIM 17:7

Laing di hatiha i adong ma sada halak doli-doli sian Marga Levi jana marasal sian kota Betlehem na di tano Juda.

RUT 1:1

Di hatiha na markuaso angka Hakim di Israel, masa ma haleon potir di tano Israel. Hara ni i kehe ma sada bayo sian Betlehem di Juda dohot dadaborunia, rap dohot dua anaknia giot tinggal di Moab sanga na sadia lolot.

RUT 4:11

Didok angka hatobangon dohot halak na deba nari i ma, “Olo, hami ma saksina. Sai dibaen Tuhan ma dadaborumi songon si Rahel dohot si Lea na manubuhon bahat anak di si Jakob. Sai gabe mamora ho nian di tonga-tonga ni angka halak na sian horong ni Marga Efrata jana gabe tarbonggal ho di Betlehem on.

1 SAMUEL 10:19

Madung Hupalua hamu sian ragam ni parkancitan dohot pardangolan, hape saonnari madung ditulak hamu Au Debatamunu, harana dipangido hamu do anso Hutodo sada raja di hamu. Antong anggo songon i, marlagut ma hamu di jolongKu, Tuhanmu, mangihutkon horong dohot margamunu.’ ”

1 SAMUEL 17:12

Anggo si Daud, anak ni si Isai halak Efrata sian Betlehem na di Juda do. Adong do salapan anak ni si Isai jana dompak di zaman ni si Saul mamarenta, anggo si Isai madung matobang situtu.

1 SAMUEL 17:18

Laing oban muse ma sampulu rantang dadi ni lombu on di pamimpin ni parangan i. Sapai ma sanga na bia do angkangmu disi, jana oban ma tanda di au paboa na dung marsuo ho dohot halahi dohot tanda na horas halahi.

1 SAMUEL 23:23

Jadi tangkas ma pareso hamu sanga liang dia na jungada dipake ia inganannia martabuni, dung i ulahi hamu ma ro tuson laho paboahon tu au. Disi ma rap kehe au dohot hamu, jana muda laing di luat i do ia antong, musti hujalahi, haru lopus husarsar sude Juda!”

1 SAMUEL 8:12

Deba ma i angkatonna gabe pamimpin tu saribu halak, jana na asing i tu lima pulu halak. Paksaon ni raja ma angka dakdanakmunu mamangkur ladangna, palagutkon suhana, mambaen angka sinjatana dohot parkokas ni karetana.