MIKA 5:14 - BIBEL JAMITA NA DENGGAN

¹⁴ Di bagasan panggasa-gasa ni murukKu, baloskononKu ma hajahatan ni sandok bangso na so marpangoloion tu Au.”

MIKA 5:14 ပူးပေါင်းရင်းမြစ်များ

2 RAJA-RAJA 17:10

Ganop di puncut ni dolok, dohot di toru ni hayu na rumbun dipajongjong halahi do tugu ni debata sileban dohot gana-ganaan ni debata boru-boru Asera.

MASMUR 149:7

laho manaluhon angka bangso, jana manguhumisa;

MASMUR 149:9

laho manguhumi angka bangso hara ni parenta ni Debata. I ma hamonangan ni bangso ni Debata. Puji ma Tuhan!

HARURUAR 34:13

Sabalikna do, angkon rumpakkononmunu angka langgatan ni halahi angka tugu ni gana-ganaan ni halahi be tabaonmunu do.

JESAYA 17:8

Indada be mararop ni roha halahi tu suha ni parkarejoan ni halahi sandiri, i ma angka langgatan inganan panutungan ni dupa, dohot angka patung ni debata boru-boru Asera.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JEREMIA 12:17

Tapi anggo bangso na so ra mangihutkon Au, umpatonKu ma i songon suan-suanan jana Hupusa.” Songon i ma hata ni Tuhan i.

ANDUNG 2:2

Ganop kota na adong di Juda, dironcohon Ia nada adong ibo ni roha. Angka benteng na mangondingi luat i dionjarkon Ia lopus marumpahi. Didabuhon Ia lopus marbile noma harajaan i dohot angka pamimpinna.

NAHUM 1:14

On ma haputusan ni Tuhan maradopkon Asur, “Nada marpomparan be halahi laho paudut sundut ni bangsona. RoncohononKu ma angka patung ni gana-ganaan na adong di angka bagas pamelean ni debata ni halahi. Hatiha manghuar kuburan ma Au di bangso Asur, angke nada patut be halahi mangolu!”