MIKA 5:13 - BIBEL JAMITA NA DENGGAN

¹³ RumpakkononKu ma angka patung ni debata boru-boru Asera na adong di tanomu, jana Huroncohon angka kotamunu.

MIKA 5:13 ပူးပေါင်းရင်းမြစ်များ

JESAYA 2:8

Sanga na di dia sap gana-ganaan, jana marsomba tu angka patung na nipauli ni tanganna sandiri do halahi.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JEHESKIEL 16:41

Surbuan ni halahi ma angka bagasmu jana suruonna angka dadaboru manyaksihon paruhumanmu. Songon i ma baenonKu mangantak parhamainonmi. Nada be ho marbagi-bagi silua tu angka haholongan ni rohamu.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JEHESKIEL 37:23

Nada be pahodaron ni halahi dirina dohot dosa dohot na manyomba angka gana-ganaan sihagigian. PaluaonKu ma halahi sian sude hahodaron na mambaen halahi marbalik tu Au. Ias ma baenonKu halahi; gabe bangsongKu ma halahi, jana Au Debata ni halahi.

JEHESKIEL 6:9

Disi, di tonga-tonga ni angka bangso, tu dia halahi na tartaban i dioban, angka halak na malua sian tonga-tongamunu angkon mangingot Au. PaulakonKu do muse roha ni halahi na markarosuan i, na dung mandao sian Au jana manundali halahi, na tongtong markarosuan mangihutkon gana-ganaan ni halahi, dung i gabe goyak ma roha ni halahi mida dirina sandiri hara ni sude hajahatan dohot hajorbutan ni halahi.

HOSEA 10:2

Angka jolma parroha na geduk i, angkon taononna ma saonnari panginona i ni dosana i. Roncohonon ni Debata ma langgatan ni halahi i, jana rumpakkonon ma angka tugu ni gana-ganaan ni halahi.

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

HOSEA 14:8

Sanoli nari giot mulak halahi jana ondihononKu noma halahi. Tibu do halahi maradu sonang, songon gandum di tano napu na tibu martumbur. Tudos ma halahi tu kobun anggur, songon anggur Libanon tibu goar ni halahi tarbarita.

NAHUM 1:14

On ma haputusan ni Tuhan maradopkon Asur, “Nada marpomparan be halahi laho paudut sundut ni bangsona. RoncohononKu ma angka patung ni gana-ganaan na adong di angka bagas pamelean ni debata ni halahi. Hatiha manghuar kuburan ma Au di bangso Asur, angke nada patut be halahi mangolu!”

ZEPANYA 1:4

UhumanKu ma sude na maringanan di Jerusalem dohot na di Juda sudena. Teba-teba ni parsombaan tu Baal pe abiskononKu ma sian i. Halupahonon noma sude angka malim na mangoloi Baal dohot angka debata na asing i.

ZAKARIA 13:2

Di ari i, sesaonKu ma angka gana-ganaan i sian tano on, lopus nada adong be umpe sahalak marningotsa. SoadahononKu ma hagiot laho marsomba gana-ganaan. Sude jolma na mangoKu dirina panurirang, paorotonKu.

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.

HAKIM-HAKIM 18:17

Manigor masuk ma tu bagas i anggo silima halak mata-mata i jana dibuat halahi ma patung hayu na marlampis perak i dohot angka patung na asing i dohot efod i. Laing jongjong do di hatiha i anggo doli-doli Marga Levi i rap dohot sionom ratus tentara i di pintu ni horbangan i.