MIKA 4:4 - BIBEL JAMITA NA DENGGAN

⁴ Mangolu be jolma di bagasan na aman jana marhasonangan ditonga-tonga ni kobun anggur dohot kobun arana; nada adong be na pabiar-biarkon, i ma da janji ni Tuhan Na Markuaso.

MIKA 4:4 ပူးပေါင်းရင်းမြစ်များ

1 RAJA-RAJA 4:25

Salolot di ngolu ni si Salomo, sonang jana dame do halak di tano Juda dohot Israel, ganop ripe adong be kobun anggurna dohot kobun hayu arana.

1 RAJA-RAJA 5:5

Madung dijanjihon Tuhan tu damang si Daud, ‘Anakmu na giot angkatonKi gabe raja gontimu, i do na giot pajongjong bagas paribadatan di Au.’ Hara ni i, Raja Hiram na niparsangapan, au si Salomo, madung huputuskon laho pajongjong bagas i.

JOB 11:19

Nada habiaranmu be musumu. Jana bahat ma halak mangido urupanmu.

MASMUR 72:3

Sai sonang jana maduma ma nian luatnami, jana dumpang hatigoran di sude bangso.

PODA 3:25

Nada porlu ho mabiar salaho tu parmaraan na ompot ro songon halingsungsung jana na mangalingkup angka halak na jahat.

JESAYA 1:20

Tapi muda mangalo do hamu tu Au, pasti mate noma hamu. Au, Tuhan madung mandok i.”

JESAYA 17:2

Tadingkonon noma angka kota ni Siria salolot-lolotna jana gabe inganan ni pahan-pahanan noma i; umpe adong sahalak na mangayaksa.

JESAYA 22:25

Muda dung tulus i, gabe taldus ma sangkotan na togu i jana madabu. Jana i ma pangabisanna sian horong dohot sude halak na marsigantung tusia. Tuhan Na Markuaso madung mandokkonsa.”

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

JESAYA 32:17

Sanga na di dia adong hasintongan, dapotan ma disi hadameon, jana hara ni hasintongan tubu ma haulion dohot hasonangan salolot ni lolotna.

JESAYA 36:16

Ulang tangihon hamu si Hiskia i! Au raja Asur, mamarentahon anso ruar hamu sian kota i jana manyora. Panganonmunu do muse batu ni anggur sian kobunmunu sandiri, mandai batu ni ara sian suan-suananmunu sandiri, jana inumonmunu do aek sian sumurmunu sandiri,

JESAYA 40:5

Gabe patangkason ma hagodangan ni Tuhan, rap midaan ma sude jolma. Tuhan sandiri do manjanjihonsa.”

JESAYA 54:14

Di gincat ni hatigoran ma pajongjongon ho. Dao ma sian ho angka na manindas ho, angke nada pola mabiar ho jana nada tarsonggot ho, angke nada ro be i tu ho.

JESAYA 58:14

jadi gabe marjop ni roha ma hamu hara ni Tuhan i. BaenonKu ma hamu marsangap di tano on sudena, jana sonang ma hamu mangolu baenonKu di tano na Hulehen tu ompumunu si Jakob. Au Tuhan, madung mandok songon i.”

JEREMIA 23:4

AngkatonKu ma pamimpin na manyarihon halahi. Nada mabiar be bangsongKi sanga tarsonggot; sahalak pe nada tola mago sian halahi. Au Tuhan, madung mandok songon i.”

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

JEHESKIEL 34:25

BaenonKu ma parjanjian dohot halahi na manjamin aman halahi. PaorotonKu ma sude binatang panyoro sian luat i sude, lopus aman angka biri-biringKi tinggal di padang-padang i dohot modom di harangan-harangan i.

JEHESKIEL 34:28

Nada samunon ni angka bangso na so mananda Au be halahi, sanga dijomak angka binatang panyoro. Di bagasan sonang noma halahi mangolu, jana sada halak pe nada adong be na mambaen mabiar halahi.

JEHESKIEL 38:11

Putuskononmu ma laho mamorangi luat na so marbenteng i, disi halakna mangolu di bagasan sonang so haribo-riboan di angka kota na so martembok jana na so adong parkokas ni partahananna.

JEHESKIEL 39:26

Jadi muda mangulahi sonang halahi maringanan di tano ni halahi sandiri, jana nada adong be sahalak pe na mangondam halahi, gabe halupahonon ni halahi ma sanga songon dia hahaila na masa tu halahi hara ni na manghalupahon Au.

HAMALIMON 26:6

Sonang pe Hubaen luatmunu, gabe sonang hamu modom so adong habiaran sanga tu ise pe. Huagohon pe sude angka binatang na parohon parmaraan sian luatmunu, jana porang pe nada masa disi.

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

ZEPANYA 3:13

Halak Israel na malua i, nada mambaen jahat be sanga na tu ise pe; nada margabus be halahi jana nada paoto-otohon. Sonang ma halahi jana dame, jana nada mabiar sanga na tu ise pe.”

ZAKARIA 3:10

Jadi muda dung dapot ari i, marsipio hombar bagasna be ma halak anso ro mangarasoi dame dohot hasonangan di tonga-tonga ni angka kobun anggur dohot angka bona ni aramu.”