MIKA 4:13 - BIBEL JAMITA NA DENGGAN

¹³ Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

MIKA 4:13 ပူးပေါင်းရင်းမြစ်များ

MASMUR 24:1

Tuhan do nampuna tano dohot pangisina, portibi dohot sude na manginganisa.

MASMUR 68:29

Sai marsioban silua somba-somba ma angka raja baen di BagasMu di Jerusalem kota na badia.

MASMUR 72:10

Angka raja ni Tarsis dohot angka pulo marsioban silua somba-somba ma tusia. Angka raja ni Arab dohot Etiopia marroan manaruhon gugu bolaanna.

JESAYA 18:7

Dapot do i hatihana, pasahaton ma angka silua somba-somba tu Tuhan Na Markuaso i sian luat na nibolus ni angka batang aek i, sian bangsona na gogo jana na markuaso i, sian angka halakna na ginjang godang jana na marhuling-huling na halus boti na nihabiaran di sude portibi on. Marroan ma halahi tu Dolok Sion, tu inganan parsombaan tu Tuhan Na Markuaso i.

JESAYA 21:10

Bangsongku Israel! Ma hona dege-dege ho songon burir ni gandum. Saonnari hupaboa ma tu ho jamita na denggan na hubege sian Tuhan Na Markuaso i, Debata ni Israel.

JESAYA 23:18

Haulkononnia ma tu Tuhan labo dohot upa na dapotnia jana nada simpanonna. Pargunahonon ni angka halak na manyomba Tuhan ma i baen panobusi ni balanjo dohot pakean na porlu di halahi.

JESAYA 5:28

Tajom do anak ni pana ni halahi jana siorna i ripe manembakkon. Sisilon ni kudona i songon pir ni batu loting, jana parputar ni roda ni karetana i songon hipas ni halingsungsung.

JEREMIA 51:20

Didok Tuhan ma, “O Babel, na songon potuk-potuk do ho, sinjatangKu laho marporang. Hupake do ho laho manghantam angka bangso dohot angka harajaan.

JEREMIA 51:33

Nada pola sadia honok nari taluhononna ma halahi jana didege-dege musuna songon gandum di inganan pardegean. Au Tuhan Na Markuaso, Debata ni Israel, madung mandok songon i.”

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

HOSEA 10:11

Najolo songon lombu jara-jara na niajar do Efraim jana na ringgas mardege gandum. Nada pola porlu baenonKu auga tu tangkuhukna na jeges i. Tapi anggo saonnari tarpaksa noma baenonKu halahi markarejo na borat. Husuru Juda mamangkur, jana Israel Husuru manyisir.

MIKA 5:7

Angka halak Israel na tading dope di tonga-tonga ni angka bangso, tudos tu singa ma i na manjalahi panganonna di harangan sanga di padang-padang. Manyaroso ma singa i tu tonga-tonga ni punguan ni biri-biri, soroanna ma biri-biri i jana parsibakkononna; nada adong na ro mangurupi biri-biri i.

HABAKUK 3:12

Di na panyogo-nyogoon diliati Ho tano; Hara ni sogo ni rohaMu didege-dege Ho angka bangso.

ZAKARIA 12:3

Tapi muda dung dapot ari i, baenonKu ma Jerusalem songon batu na dokdok, sanga bangso dia pe na mancubo mangangkatsa, gabe dapotan hamamago. Mardomu ma sandok bangso na di tano on laho mamorangi Jerusalem.

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.

ZAKARIA 4:14

Jadi didok ia ma, “I ma dua halak na nipili, na jongjong di adopan ni Tuhan ni sandok tano on.”

ZAKARIA 6:5

Dialusi ia ma, “Halahi ma da na haruar tu opat jurusan ni alogo, dung sidung halahi mangadop tu Tuhan ni sude tano on.

1 KORINTUS 16:2

Ganop Ari Minggu, painding hamu ma ganop be marguru tu pangomoanna be. Simpan hamu ma hepeng i lopus ro au, anso ulang pola papungu-punguhon be muda dung lalu au.

PANGARATAION 33:25

Angka hutana pe dijagoi pintu bosi anso mangolu ia di bagasan dame humani.”

JOSUA 6:19

Sude barang-barang na sian perak, sere, tumbaga dohot bosi angkon paasingon do i di Tuhan. Angkon nioban sudena i tu bagasan inganan panyimpanan ni arta ni Tuhan.”