12 Tapi na so diboto ni angka bangso i do sanga aha na di bagasan sangkap ni Tuhan. Sian na so pamotoan ni halahi, na dipalagut do halahi anso diuhum, tudos tu gandum na dilunggukkon anso didege.
Bangsongku Israel! Ma hona dege-dege ho songon burir ni gandum. Saonnari hupaboa ma tu ho jamita na denggan na hubege sian Tuhan Na Markuaso i, Debata ni Israel.
Jadi mago ma sude parangan ni angka bangso na ro mamorangi Jerusalem, kota langgatan ni Debata i; sude sinjata dohot perlengkapan ni halahi, mago ma i sudena songon nipi sajo, angan-angan hatiha borngin.
Nada he Au sandiri mamboto angka sangkapKu taringot tu hamu? Nada na giot mangago hamu angka sangkap i; tapi na giot tu hasonanganmunu do i dohot mangalehen tu hamu arop ni roha na denggan di hatiha na ro.
Nada pola sadia honok nari taluhononna ma halahi jana didege-dege musuna songon gandum di inganan pardegean. Au Tuhan Na Markuaso, Debata ni Israel, madung mandok songon i.”
PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.