MIKA 3:8 - BIBEL JAMITA NA DENGGAN

⁸ Tapi anggo taringot tu diringku, na dung digohi Tuhan do au dohot tondiNa bope dohot kuasoNia. Dilehen Ia do di au parbinotoan taringot tu hatigoran, jana dilehen Ia do di au habaranion laho patangkaskon tu halak Israel angka dosa na nibaen ni halahi.

MIKA 3:8 ပူးပေါင်းရင်းမြစ်များ

JOB 32:18

Nada sobar be au painte-intesa. Nada tarorom au be so mandok hata.

JESAYA 58:1

Marsurak ma sagogomu, ulang ma tahan-tahan. Marsurak ma sagogomu songon sarune. Paboa ma tu bangsongKu taringot tu hasalaan ni halahi dohot tu pomparan ni si Jakob taringot tu dosa ni halahi!

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JESAYA 61:2

Diutus do au laho mamaritahon paboa na tibu noma Tuhan ro paluahon. PaluaonNia ma bangsoNa, jana musu ni halahi taluhononNa. Madung disuru Tuhan muse au laho mangapoi na marsak roha.

JEREMIA 1:18

Angke anggo Au, satutuna sadari on baenonKu ma ho gabe kota na marbenteng, gabe tiang bosi dohot gabe tembok tumbaga, mangalo sude raja-raja ni Juda dohot angka pegawaina, mangalo angka malim dohot rayat ni negara on.

JEREMIA 20:9

Tapi muda hudok di bagasan rohangku “Halupahon ma Ia, nada ra be au mangkuling mangasahon goarNia,” jadi gabe songon api ma tonaMi manggara-gara di ate-atengki. Huuji do nian manahansa hape nada tolap iba.

JEREMIA 6:11

HamumurukMu pe tu halahi manginona tu au do Tuhan, borat do laho manahansa. Dung i didok Tuhan ma, “Palalu ma hamumurukKi tu angka dakdanak di angka dalan godang dohot tu angka doli-doli na marlagut-lagut. Ripe-ripe halak angkon obanon ma tu habuangan, jana halak na dung matobang pe nada malua.

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

JEHESKIEL 16:2

“Ale jolma parsantongkinan, patuduhon ma tu Jerusalem angka parbuatan na jorbut na nipambaenan ni halahi i.”

JEHESKIEL 20:4

Ale jolma parsantongkinan, madung he hobas ho laho manguhumi halahi? Aha dope, dalankon ma! Sungguli ma tu parningotan ni halahi sandok hagigian na nipambaenan ni ompu ni halahi.

JEHESKIEL 22:2

“Ale jolma parsantongkinan, na dung hobas dehe ho laho manguhumi kota na gok sibunu jolma i? Patuduhon ma tusia sude pangalahonia na nihagigihon i.”

JEHESKIEL 23:36

Didok Tuhan ma tu au, “Ale jolma parsantongkinan, madung he hobas ho laho manguhumi si Ohola dohot si Oholiba? Gorahon ma halahi salaho tu hahodaron na nibaen ni halahi.

JEHESKIEL 3:14

Sun ma gogona didapotkon kuaso ni Tuhan i au jana taran na diangkatNa i au lalu dioban tondiNa i, paet jana milas ma huhilala ate-atengku.

JEHESKIEL 43:10

Dung i didok Tuhan ma mangulahi, “Ale anak ni jolma, pabotohon ma tu halak Israel taringot tu bagasKon jana suru ma halahi mamparsiajari gambaranna i. Paila ma halahi hara ni sasude dosa ni halahi.

MATEUS 7:29

Harana nada songon pangajari ni angka Siboto Surat ni halahi i pangajar ni Jesus, tapi marsahala do.

MARKUS 3:17

Si Jakobus dohot angginia si Johannes, i ma angka anak ni si Zebedeus. (Digoari Jesus do halahi na dua na markaha-maranggi on, Boanerges. Boanerges astuanna “halak na songon ronggur”.)

1 KORINTUS 2:4

Nada markite-hite habisuhon na paposkon hupalalu hatangku dohot jamitangku tapi markite-hite dalan na patandahon kuaso na sian Tondi i do.