MIKA 3:2 - BIBEL JAMITA NA DENGGAN

² o hamu na margoyak ni roha mida hatigoran jana mangkaholongi hajahatan! Dibobahi hamu do bangsongKi mangolu-olu, jana disingkili hamu juhutna i sian holi-holina.

MIKA 3:2 ပူးပေါင်းရင်းမြစ်များ

1 RAJA-RAJA 21:20

Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,

2 JUJUR TAON 19:2

ro ma sada halak panurirang na margoar si Jehu anak ni si Hanani mangadop tu raja i. Didok panurirang i ma tusia, “Patut ma he raja i mamihak tu halak na jahat jana mamihak tu halak na manghagigihon Tuhan? Muruk do Tuhan tu raja i patunda ni parbuatan ni raja i.

MASMUR 15:4

na mandao sian halak na hona bura tapi pasangap halak na burju tu Tuhan; na patulus janjina, haru pe marharugian,

MASMUR 53:4

Didok Tuhan, “Na so diboto parjahat i dehe i na mangarampasi bangsongKu halahi jana na so unjung martangiang tu Au?”

PODA 28:4

Sanga ise na pageduk uhum, mamihak tu na jahat; sanga ise na mangoloi uhum, mangalo halak na jahat.

JESAYA 3:15

Nada adong hakmu laho mamisat bangsongKu dohot mamoro halak na pogos. Au Tuhan Debata Na Markuaso madung mandok songon i.”

JESAYA 5:20

Marjaya ma halahi na mandokkon hajahatan i denggan jana na denggan i na jahat, na manggonti hagolapan gabe torang jana na torang gabe hagolapan, na manggonti na paet gabe tonggi, jana na tonggi gabe na paet.

JESAYA 57:12

DohononKu ma sude haburjuonmu dohot sude pambaenanmu, tapi sude na i nada marguna di hamu.

JEHESKIEL 11:7

Hara ni i, Au Tuhan Debata, mandok tu hamu: Tutu ma da i, hudon do antong kota on, tapi anggo juhutna di bagasan nada hamu, tapi bangke ni angka jolma na nibunumunu do! Anggo hamu usironKu do sian kota on!

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

JEHESKIEL 24:4

Pamasuk ma juhut tu bagasan juhutna i, i ma juhut na dumenggan; juhut ni tamparan dohot hae-haena maradu holi-holi na gok sumsumna.

JEHESKIEL 34:3

Susuna i diinum hamu, imbuluna i dibaen hamu gabe pakean, jana biri-biri na mokmokna i disambol jana dipangan hamu. Nada jungada dipature hamu angka biri-birimunu i.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

MIKA 2:8

Dialusi Tuhan ma, “Hamu do na mamorangi bangsongKu songon musu. Dirampas hamu do baju ni halak na baru mulak sian porang jana sonang do rohamunu di bagasna.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

MIKA 7:3

Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

LUKAS 19:14

Tapi goyak ma roha ni halak luat i tusia jana dung kehe ia, disuru halahi ma suruan tusia laho paboahon, ‘Nada ra hami anggo bayo on do gabe rajanami.’

JOHANNES 18:40

Dialusi halahi ma marsurak-surak, “Nada! Indangkon sai palua i! Si Barabbas ma palua!” Panyamun do si Barabbas on.

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

2 TIMOTEUS 3:3

Nada adong be holong marsihaholongan di halahi, nada ra marsisesaan sala, sai ra pabusuk-busukkon goar ni halak, nada bisa mangorom diri, kejam jana nada giot di na denggan.