MIKA 3:11 - BIBEL JAMITA NA DENGGAN

¹¹ Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

MIKA 3:11 ပူးပေါင်းရင်းမြစ်များ

PODA 17:23

Parkuaso na mangeldok, manjagit hepeng sogok di sihabunian; hara ni i gabe nada mardalan hatigoran.

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 48:2

Nada hum i sajo, didok hamu dope pangisi ni kota na badia i hamu, na pasahat ngoluna tu Debata ni Israel, i ma Tuhan Na Markuaso i.

JESAYA 5:23

Marjaya ma hakim na patigorhon parjahat hara ni hepeng suap, jana na so patuduhon hasintongan tu halak na tigor.

JESAYA 56:11

Songon anjing na songkal do halahi na so habutongan. Nada adong pikiran ni angka pamimpin i. Marsibaen roha-rohana do halahi jana marsijalahi untung tu dirina be.

JEREMIA 23:17

Tu angka halak na so ra manangihon hata na Hudok sai didokkon halahi do, ‘Malua do hamu.’ Jana tu ganop halak sijogal roha, didok halahi do, ‘Nada pola marmara ho.’ ”

JEREMIA 26:7

Sude na hudokkon i di Bagas Ni Debata, dibege angka malim i angka panurirang dohot halak na bahat.

JEREMIA 5:12

Madung mangalo bangso ni Tuhan maradopkon Tuhan i. Didok halahi, “Tole ma da, nada pola baenonNia bagi aha. Nada pola hona parmaraan hita jana nada pola songgop tu hita porang sanga haleon.

JEREMIA 6:13

Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim margabus do tu halak.

JEREMIA 7:4

Ulang haporsayai hamu hata gabus na mandok, ‘On ma Bagas Ni Tuhan, Bagas Ni Tuhan, Bagas Ni Tuhan.’

JEREMIA 8:10

Patunda ni i na giot pasahatonKu noma ladang ni halahi tu tuan partano na asing, dohot angka dadaboru ni halahi tu halak na asing. Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim dohot do manggabusi halak.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

JEHESKIEL 34:2

“Ale anak ni jolma, gorahon ma parmahan ni Israel, jana palalu ma sanga aha na Hudok, Au Tuhan Debata mandok tu halahi, ‘Marjaya ma hamu angka parmahan ni Israel. Hum haporluanmunu sajo do disarihon hamu, nada haporluan ni angka biri-birimu.

HOSEA 4:18

Dung mabuk halahi hara ni na mabahattu minum anggur, sonang ma roha ni halahi manggampang. Jumop noma roha ni halahi marlayas ulang dipasangap.

HOSEA 4:8

Gabe mamora do hamu hara ni dosa ni bangsongKi, i ma dalanna dihagioti hamu anso torus halahi mardosa.

AMOS 5:14

Parayak hamu ma mambaen na denggan jana ulang ma mambaen na jahat, anso mangolu hamu. Gabe tutu situtu ma maringanan Tuhan, Debata Na Markuaso i di tonga-tongamunu songon na nidokmunu i.

AMOS 9:10

Hara ni podang angkon marmatean sude halak pardosa sian tonga-tonga ni bangsongKu na mandok: ‘Nada ro be parmaraan godang jana nada lalu tu hami.’ ”

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

MIKA 7:3

Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

ZEPANYA 3:4

Nada adong idaon tanggung jawab ni angka panurirang ni halahi jana panghianat do halahi. Angka malim na manghodari na badia, jana mamparmayam-mayamkon tona.

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

MALEAKI 2:9

Jadi Au sian pihakKu, baenonKu ma halak Israel marlayas ni roha tu hamu hara ni na so dioloi hamu hagiotKu, dohot hara ni na marnida bohi hamu dompak mangajari bangsongKu.”

BILANGAN 16:15

Muruk sajo ma si Musa gabe ning ia ma tu Tuhan, “Tuhan, ulang jagit angka silehen-lehen na nihaulkon ni halak on. Nada jungada hurugii sada halak pe sian halahi, sanga halode pe nada jungada hubuat sian halahi.”

BILANGAN 22:7

Jadi kehe ma pamimpin ni halak Moab dohot halak Midian i, maroban upa di si Bileam, anso diburai ia halak Israel. Kehe ma halahi manopot si Bileam pabolkaskon tona ni Raja Balak

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

1 TIMOTEUS 3:3

ulang parmabuk sanga na parbada. Tapi angkon halak na lambok do jana pardame. Ulang halak na sai mangarohahon hepeng.

TITUS 1:11

Angkon dijait do giotna pamangan ni jolma sisongon i, harana madung bahat angka bagas ni halak na gabe gaor sudena hara ni angka pangajaran na so patut na nibaen ni halahi. Na manjalahi untung na so patut do antong halahi di karejona i!

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.

JUDAS 1:11

Marjaya ma halahi! Dalan ni si Kain do na nibolus ni halahi. Anso dapotan upa, gabe didohoti halahi do angka hasalaan songon na nibaen ni si Bileam. Jana mago do halahi hara ni na manggaori songon na nibaen ni si Kora.

1 SAMUEL 8:3

Tapi nada diihutkon halahi pangalaho ni amang ni halahi, hum hauntungan tu dirina sajo do na dipikirkon ni halahi. Manjagit hepeng sogok do halahi jana nada tigor dibaen halahi mamutuskon angka parkaro.