MIKA 2:5 - BIBEL JAMITA NA DENGGAN

⁵ Hara ni i, muda dung dapot hatihana paulahon tano on tu bangso ni Tuhan, sahalak pe nada adong be sian hamu na manjagit bagianna.

MIKA 2:5 ပူးပေါင်းရင်းမြစ်များ

2 RAJA-RAJA 17:23

Lopus di ujungna nada diparrohahon Tuhan be halahi, tapi diambungkon noma halahi sian tano na nilehenNa di halahi. Tulus do i tarjadi laing songon na nipaingotkon ni Tuhan markite-hite angka naposoNia i, i ma angka panurirang. Songon i ma halak Israel dioban tu habuangan di Asur jana disi ma halahi tinggal lalu tu sadari on.

1 JUJUR TAON 16:18

“Hulehen di ho tano Kanaan gabe tano teanan,” ninna Tuhan.

NEHEMIA 7:61

Adong do 642 halak bahatna sian angka halak na kehe sian kota Telmelah, Telharsa, Kerub, Adon dohot Imer, masuk ma disi horong ni si Delaya, si Tobia dohot si Nekoda; tapi nada tarbuktihon halahi paboa na tutu halahi pomparan ni bangso Israel.

MASMUR 16:6

Na denggan do na nilehenMi di au ale Tuhan, mambaen rohangku tongtong sonang!

HOSEA 9:3

Hamu ale halak Israel, nada tongtong hamu tinggal di tano na nilehen ni Tuhan tu hamu. Angkon mulak hamu tu Mesir jana angkon panganonmunu sipanganon na haram di Asur.

BILANGAN 34:13

Dung i didok si Musa ma tu bangso Israel, “On ma tano sijagitonmunu marhite undi, tano na niparentahon ni Tuhan i angkon bagi-bagion tu sambilan satonga marga ni Israel.

BILANGAN 34:16

Didok Tuhan ma tu si Musa,

PANGARATAION 23:2

Halak na sorang sian na marbagas roha-roha, dohot sude pomparanna lopus tu sundut pasampuluhon, nada tola gabe anggota ni bangso ni Tuhan.

PANGARATAION 23:8

Mamungka sian sundut patoluhon dohot sundut na mangihut sian pomparan ni halahi tola do gabe anggota ni bangso ni Tuhan.”

PANGARATAION 32:8

Ditontuhon Ia batas di ganup bangso, dibagi do i hombar tu torop ni bangso Israel.

JOSUA 18:10

Dung i didanggurkon si Josua ma undi anso tarboto sanga aha na nitontuhon ni Tuhan di halahi. Dung salpu i, dilehen si Josua ma tu ganop marga ni Israel na so dapotan parbagian ni tano i dope, tano bagianna be.

JOSUA 18:4

Pili hamu ma tolu halak sian ganop marga. Giot suruonku halahi mangaliati sude luat on laho mangukur batas-batas ni luat por ni roha ni halahi gabe halahi puna. Dung salpu i angkon mulak halahi mandapotkon au.