MIKA 2:4 - BIBEL JAMITA NA DENGGAN

⁴ Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

MIKA 2:4 ပူးပေါင်းရင်းမြစ်များ

2 SAMUEL 1:17

Dung i diendehon si Daud ma andung-andung on hara ni si Saul dohot hara ni si Jonatan,

2 JUJUR TAON 35:25

Dikarang Panurirang Jeremia ma sada ende andung di Raja Josia. Lopus tu sadari on dipake angka parende do ende i di Israel, halaklahi bope dadaboru di parningotan siluluton tu si Josia. Dipamasuk do ende i tu bagasan parpunguan ni angka ende andung.

JOB 27:1

“Mangasahon Debata na mangolu i na so mambaen hatigoran tu iba, mangasahon Na Markuaso i na sai paarsak roha,

JESAYA 14:4

Muda dung dipatulus Tuhan songon i, angkon incahan ni halahi do raja ni Babel mandok songon on: “Madung madabu raja na jahat i! Nada tarbaensa be mamparhanciti.

JESAYA 24:3

Pupusan ma tano i sudena lopus gabe harsang situtu. Madung didok Tuhan, jana musti tarjadi songon i.

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JEREMIA 14:18

Muda kehe au tu padang, huida ma angka bangke na nipangan ni porang. Di bagasan kota huida parkancitan; angka jolma na giot mate malean. Didalankon panurirang dohot malim langgamanna so diboto sanga aha na nipambaenanna.”

JEREMIA 4:13

Ligi da, marmuldopan musu i songon ombun. Angka kareta porangna i songon halingsungsung, angka kudona i humipas sian unggas rajawali. Marjaya ma hita on! Mago ma hita!

JEREMIA 6:12

Lehenon tu halak na asing noma bagas ni halahi songon i muse angka ladang dohot angka dadaboru ni halahi. UhumanKu ma halak na mangingani luat on.

JEREMIA 8:10

Patunda ni i na giot pasahatonKu noma ladang ni halahi tu tuan partano na asing, dohot angka dadaboru ni halahi tu halak na asing. Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim dohot do manggabusi halak.

JEREMIA 9:10

Au si Jeremia, hudok ma, “Tangis ma au jana marsak hara ni padang dohot angka dolok na dung mahiang mangkarogang boti nada dibolus-bolus halak. Nada habegean be sora ni pahan-pahanan, marlojongi sude unggas dohot sude pahan-pahanan.”

JEREMIA 9:16

PaserahonKu ma halahi tu tonga-tonga ni angka bangso na so ditanda ni halahi sanga ompu ni halahi. TongosonKu ma tentara na mamorangi halahi lopus abis sudena.”

JEHESKIEL 16:44

Didok Tuhan ma, “Ale Jerusalem, pakeon ni halak ma umpama on tu hamu, ‘Songon i inangna, songon i muse do dakdanakna.’

JEHESKIEL 2:10

na marsurat angkup bariba. Dung i dibuka ia ma balunan i jana tarsurat do disi andung, holos dohot angguk-angguk.

JOEL 1:13

Hamu ale angka malim na markobasi di langgatan, pake hamu ma abit goni anso martangisan. Masuk ma tu Bagas Ni Tuhan marbornginma laho mangandung disi, angke nada adong be haul anggur dohot gandum.

JOEL 1:8

Tangis ma hamu, songon anak boru na marsak roha na tangis hara ni na matean tunangan haholongan ni rohana.

AMOS 5:1

Tangihon ma ale bangso Israel! Giot endehononKu sada ende arsak di hamu:

AMOS 5:17

Di sude kobun anggur, mangandung ma halak, muda mardalan Au sian tonga-tongamunu,” ninna Tuhan.

MIKA 1:15

Ale halak Maresa! Pasahaton ni Tuhan ma hamu tu musu na giot manaluhon kotamunu. Martabuni di angka liang ma angka pamimpin ni Israel di Adulam.

MIKA 1:8

Dung i ning si Mika ma: “Hara ni i do umbaen na marsak au jana tumatangis hara ni arsak ni rohangku, kehe ma au mardalan nada marsolop jana nada marpakean. Sai marauang ma au songon sorigala jana sai mangandungi songon unggas unto.

MIKA 2:10

Jongjong ma hamu jana morot; nada aman be dison. Gabe ro ma parmaraan, hasegoan tu inganan on hara ni angka dosamunu i.

HABAKUK 2:6

Tapi anggo angka bangso na dipatunduknia, sai manyindir ma i jana pacia-ciahon tusia. Dokkonon ni halahi ma, “Sai hona bura ma ho hara ni na pagukguk harto na so ho nampunasa! Sadia honok nari he sai pakayoonmu dirimu marhite na mamaksa angka halak na marutang tu ho anso digarari halahi utangna?”

ZEPANYA 1:2

Didok Tuhan ma, “AbiskononKu ma sandok na adong di tano on,

BILANGAN 23:18

dung i didok si Bileam ma panurirangonna, “O Balak, anak ni si Zipor, ro ma. Adong na giot dohononku, tangihon ma!

BILANGAN 23:7

Dung i didok si Bileam ma panurirangonna i songon on, “Sian Aram, sian dolok-dolok di Habincaran an, si Balak, raja ni Moab marpio au mandok, ‘Ro ma ho burai ma si Jakob, jana ro ma ho burai ma Israel!’

BILANGAN 24:15

Dung i didok si Bileam ma panyurirangionnia, “On ma tona ni si Bileam, anak ni si Beor; sahalak na marparnidaan giot mangkobari.

BILANGAN 24:3

Dung i digohi hagogoan ni Tondi Ni Debata ma si Bileam, gabe didok ia ma panyurirangion songon on, “On ma tona ni si Bileam anak ni si Beor, sada halak na marnida giot mangkobari.

MARKUS 12:12

Jadi sude angka pangituai ni halak Jahudi na umbege umpama nangkin, rap manjalahi dalan ma laho manangkup Jesus. Harana diboto halahi do, halahi sandiri do na nidok ni Jesus di umpamana i. Tapi mabiar do halahi di halak na bahat i, gabe ditinggalkon halahi ma Jesus.

PANGARATAION 28:29

Dadap-dadap ma ho di arian raya songon halak na mapitung, hape nada dapot ho dalan. Sai marpupu ma ho hona hapit jana hona rampas, jana sada halak pe nada adong na mangurupi ho.