MIKA 2:3 - BIBEL JAMITA NA DENGGAN

³ Hara ni i didok Tuhan ma, “Marsangkap do Au laho parohon parmaraan godang tu hamu, anso ulang adong na malua sian hamu. Nada tarbaen be gakgak pardalanmu angke anggo hatiha i, i ma hatiha na marmara.

MIKA 2:3 ပူးပေါင်းရင်းမြစ်များ

JESAYA 29:20

I ma ujungna barita ni angka jolma na mamisat halak na asing dohot ganop halak pardosa,

JESAYA 3:16

Didok Tuhan, “Ligi da, sombongna i angka boru Jerusalem! Mardalan halahi maradu gakgak. Humetek-hetek ma halahi manghidopi. Dipabaen-baen ma pangalangkana i jana mardoring-doring ma sora ni angka golang ni patna i.

JESAYA 5:19

Didok hamu, “Haru diompoti Tuhan Debata Na Badia ni Israel i ma nian patuluskon sangkapNia i anso taboto sanga aha maksudNia.”

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 27:12

Hupalalu muse ma songon i tu si Zedekia raja ni Juda. Hudok ma, “Manyora ma da tu raja ni Babel. Tunduk ma da ho tusia dohot tu bangsonia i, anso malua raja i.

JEREMIA 34:17

Hara ni i Au Tuhan mandok, anggo hamu madung mangalaosi tu parentangKu; nada dipalua hamu dongan sabangsomunu Israel. Antong saonnari Hulehen ma hamu bebas mamili: Bebas laho mate di partempuran, mate dibaen nyae masa, sanga mate tangkuraparon. Giot baenonKu mabiar bangso na satano on mida sipamasaonKu tu hamu.

JEREMIA 36:23

Disi abis disise si Jehudi tolu tu opat baris, disibakkon raja i ma i dohot piso na menek jana diambungkon ia ma i tu api. Songon i ma dibaen ia torus lopus abis sude surat balunan i mosok.

JEREMIA 43:2

Jadi didok si Asarya anak ni si Hosaya dohot si Johanan anak ni si Kareah na bulbul i ma tu au, “Margabus do ho. Nada disuru Tuhan Debatanami ho mangorai hami anso ulang kehe maringanan tu Mesir.

JEREMIA 8:3

Jadi sanga ise halak na laing mangolu sian bangso na jahat na Husarsarkon on sun tu dia, gumonan noma dihilala halahi mate ulang pado mangolu. Au Tuhan Na Markuaso, madung mandok songon i.”

ANDUNG 1:14

Dibuat Ia sude dosangku jana dibobok Ia gabe sada, dipaborgokkon Ia muse i di rungkungku, dibaen dokdokna jabat gale au. Dipasahat Tuhan do au tu musu; laho mangalo halahi nada margogo au.

ANDUNG 2:17

Madung didalankon Tuhan sangkapNia i na dung dipaingotkon Ia tu hita na salpu i. Dilantuk Ia do hita nada adong ibo ni rohaNa, dilehen Ia hamonangan di musunta. Dibaen Ia halahi marjop ni roha paida-ida hadadabunta.

ANDUNG 5:5

Songon dorbia, dipaksa hami karejo na borat, loja hami, hape nada tola maradian.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

AMOS 2:14

Na hipas marlojong pe nada tarbaen luncat; mago ma hagogoon ni halak na gogo, jana halak na barani pe nada tarbaen paluahon dirina.

AMOS 3:1

Tangihon hamu ma tona ni Tuhan on, ale bangso Israel na nioban ni Tuhan haruar sian Mesir. Didok Tuhan do,

AMOS 3:2

“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”

AMOS 5:13

Hara ni i halak na marpikir, sip do ia di hatiha i, harana hatiha na jahat do hatiha i.

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

SURAT NI SI PAULUS TU PARLAGUTAN ROM 16:4

Madung martaru hosa halahi humopkop ngolungku, nada hum au sajo na mandok tarimakasi tapi dohot do sude parlagutan na sian bangso na so Jahudi.

EPESUS 5:16

Parkasayahon hamu ma sude hatiha na denggan na adong di hamu, angka na jahat do na masa di hatiha on.

PANGARATAION 28:48

Hara ni i ma gabe angkon mangoloi ho tu angka musu na giot sitongoson ni Tuhan laho mangalo ho. Tangkuraparon, manguas jana marsaemara ma ho – hurangan di sasudena. Kejam baenon ni Tuhan manyosak ho lopus abis ho.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!