MIKA 2:2 - BIBEL JAMITA NA DENGGAN

² Muda por roha ni halahi di sada ladang, dirampas halahi do i. Muda por roha ni halahi di sada bagas, dirampas halahi sajo do i. Muda dung abis hartona dirampas, angka koum sisolkot pe nada be sonang.

MIKA 2:2 ပူးပေါင်းရင်းမြစ်များ

1 RAJA-RAJA 21:1

Di lambung bagas godang ni Raja Ahab na di Jisreel adong ma sada kobun ni sada bayo na margoar si Nabot.

JOB 31:38

Sugari tano na hujama i tano na hutangko, jana sian nampunana humani hupogo,

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

JESAYA 3:14

Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

JESAYA 5:8

Marjaya ma hamu! Ditobusi hamu ma angka bagas dohot angka ladang laho manamba sinadonganmunu. Nada sadia honok nari abis ma inganan di halak na asing jana hum hamu sajo noma na maringanan di luat i.

JEREMIA 22:17

Hape asing do anggo ho; hum untungmu sajo do na nijalahanmu. Dibunu ho do halak na so marsala, jana kejam do dibaen ho mamisat rayatmu.

JEHESKIEL 18:12

Giotnia ma mangicu halak na pogos, manangko, mambuat barang jaminan ni halak na marutang tusia. Kehe ia tu angka bagas pamelean ni halak na so mananda Tuhan jana disomba ia gana-ganaan sihagigian.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

JEHESKIEL 22:13

Tapi anggo saonnari libasonKu ma angka panangko dohot sibunu jolma.

JEHESKIEL 33:26

Podangmunu i do dipangasahon hamu. Sihagigian do na nibaenmunu. Sude do hamu marmainan. Puluk dope he hamu mandok hamu nampuna tano on?

JEHESKIEL 45:9

Didok Tuhan Debata i ma, “Tuk ma da angka dosamunu i, ale angka parkuaso ni Israel! Antak hamu ma na mambaen roha-rohamunu i dohot na mamisat rayat i. Baen hamu ma na tigor dohot na sintong. Na so jadi usironmunu be bangsongKu sian tano ni halahi. Au, Tuhan Debata do mamarentahon i tu hamu.

JEHESKIEL 46:18

Saotik pe nada tola buaton ni parkuaso i anggo sian arta pusako ni rayatna i. Hum tanonia sandiri do na tola lehenonnia tu angka anaknia, anso ulang adong sahalak pe sian bangsongKi na disirang sian sinadonganna.”

JEHESKIEL 8:17

Didok Tuhan ma tu au, “Diida ho dehe i, ale jolma parsantongkinan? Nada puas dope pangkilalaan ni angka halak Juda on anggo hum angka pangalaho sihagigian i sajo dope dibaen halahi dohot mambaen tindakan na so mananda holong ni roha tu donganna jolma di sude luat i. Dipambaeni halahi do sudena i dison, di bagasan BagasKu jana i ma dalanna umbaen na mur gilap Huhilala. Ligi ma sanga na bia dibaen halahi palayas Au marhite pangalaho na jumorbut on!

AMOS 2:7

Didege-dege halahi do halak na gale na so margogo, jana dipabali halahi do jolma na pogos. Ama-ama dohot anakna rap mandongani modom sada na poso dadaboru, gabe hodar goarKu na badia i patunda ni i.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 8:4

Tangihon ma, hamu angka na mandege-dege halak na pogos, jana na mangagohon halak na dangol di luat on.

MIKA 3:9

Tangihon hamu ma angka hatangkon, ale hamu angka parkuaso ni Israel na magigi mida hatigoran jana na pabalik-balikkon na tutu.

MIKA 6:12

Angka halak na mora di hutamu mamoroi do sian halak na pogos, jana pargabus do hamu sudena.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

1 TIMOTEUS 6:10

Angke sian holong ni roha tu hepeng do haroroan ni sude ragam ni hajahatan. Adong do deba halak na sai mangkojar hepeng jana na so mangihut be tu ajaran ni Kristen, lopus gabe didondoni pardangolan halahi, mambaen gabe marsak roha ni halahi.