MIKA 2:10 - BIBEL JAMITA NA DENGGAN

¹⁰ Jongjong ma hamu jana morot; nada aman be dison. Gabe ro ma parmaraan, hasegoan tu inganan on hara ni angka dosamunu i.

MIKA 2:10 ပူးပေါင်းရင်းမြစ်များ

1 RAJA-RAJA 9:7

gabe paruaronKu ma bangsongKu Israel sian luat na dung Hulehen di halahi. Au pe tinggalkononKu ma bagas parsombaan na dung Hudokkon gabe inganan na dung mardohonan laho marsomba tu Au. Sanga didia pe halak Israel angkon dilayasi jana dipartatai halak.

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

2 JUJUR TAON 7:20

gabe paruaronKu ma hamu sian luat na dung Hulehen on tu hamu. Bagas on pe na dung Hutotopkon gabe inganan maribadat tu Au, tinggalkononKu ma. Sanga na di dia pe layasan ma bagas paribadatan on jana gabe sipartataan.”

MASMUR 106:38

Dibunu halahi angka halak na so marsala, anak ni halahi sandiri i ma na giot dihaulkon tu debata ni Kanaan, hara ni pamunuon i gabe hodar ma tanona.

MASMUR 95:11

Gabe marsumpa Au di bagasan murukKu, nada masuhan ni halahi tano i laho maradian rap dohot Au.”

JEREMIA 10:18

Danggurkonon ni Tuhan ma hamu tu habuangan; abiskononNia noma hamu. I ma parenta ni Tuhan.

JEREMIA 3:2

Manaili ma jolo ho tu ginjang, tu puncu ni angka dolok! Na dia dope inganan i na so unjung ditopot ho laho marmainan? Songon halak Arab na juguk di padang halongonan, songon i ma ho juguk di topi dalan painte-intehon halak na giot manandangi ho. Gabe hodar luat on dibaen ho hara ni parmainanmu.

JEREMIA 9:19

Tarbege ma sora ni na tangis di Sion, “Mago do hita jana dipaila. Tadingkononta ma hape tanonta, masego ma angka bagasta.”

JEHESKIEL 36:17

“Ale anak ni jolma parsantongkinan, taran maringanan halak Israel di tanona sandiri, dipahodar halahi do i marhite pambaenan dohot pangalaho ni halahi. Haram do Huetong pangalaho ni halahi i, songon dadaboru na ro bulanna.

JEHESKIEL 36:19

Hona uhum ma halahi Hubaen hombar tu parngoluon dohot pangalaho ni halahi, jadi Hupaserak ma halahi tu angka luat na asing.

PANGARATAION 12:9

dibaen nada masuk dope hamu tu tano na giot silehenon ni Tuhan Debatamunu tu hamu, i ma ingananmunu, disi ma tarbaen hamu mangolu di bagasan sonang.

PANGARATAION 30:18

ingot hamu ma na hupaingot hamu sadari on: mago ma hamu. Nada maginjang umurmunu di tano na di bariba ni Batang aek Jordan na so sadia lolot nari be giot buatonmunu.

PANGARATAION 4:26

Langit dohot tano ma na gabe saksimunu sadari on, muda ampot nada marpangoloion hamu tu na hudok i, manigor mago ma hamu sian tano na giot siingananmunu na di ipar ni Batang aek Jordan i. Nada pola honok hamu tinggal disi, tapi roncohononkon do sudena.