MIKA 2:1 - BIBEL JAMITA NA DENGGAN

¹ Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

MIKA 2:1 ပူးပေါင်းရင်းမြစ်များ

PAMUNGKAAN 31:29

Markuaso do da au mambaen na jat tu ho, tapi napotangin dipaingot Debata na nisomba ni amangmi do au anso ulang huancam ho.

1 RAJA-RAJA 21:7

“Raja do ho!” ning si Isebel. “Ngot ma ho anso mangan. Pasonang ma rohamu, harana hulehen pe di ho kobun anggur ni si Nabot i!”

ESTER 3:8

Jadi didok si Haman ma tu raja i, “Rajanami, adong do sada bangso na ganjil na marserak di ganop propinsi di harajaan on. Asing situtu do adatna sian angka bangso na deba nari i. Nada patu halahi tu angka aturan ni harajaan on. Jadi, sugari dumenggan nian ulang dipadiar raja i halahi mambaen roha-rohana.

ESTER 5:14

Umbege i gabe diusulkon dadaborunia i ma dohot angka dongannia i songon on, “Anggo suru sajo pe mambaen tiang gantungan gincatna dua pulu dua meter. Dung i ancogotna i pangido ma isin sian raja i laho manggantungkon si Mordehai tu tiang i. Anggo dung songon i, tarbaen ho ma sonang rohamu kehe tu parjamuan i.” Denggan sajo ma antong usul i dipikiri si Haman, jadi manigor disuru ia ma mambaen tiang gantungan i.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

JOB 15:35

I ma da halak na sai mangarohahon hajahatan na mandalankonsa. Tipu dohot gabus do na sai manggohi rohana.”

JOB 24:14

Andos torang dope ngot ma sibunu jolma sian podomanna, lalu kehe ma ia mamunu halak na so mardiha-diha, jana dompak so torang dope ari, monjap-onjap ma ia sai songon panangko.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 36:5

O Tuhan, sagincat ni langit holongMu na manongtong i, jana haburjuonMu manyalpui angka ombun i.

MASMUR 58:3

Na lilu do halak parjahat mamungka sian bortian, na manipu do halahi mamungka sorang.

PODA 12:2

Dihajopkon Tuhan do halak na burju, tapi diburai Ia do halak na paoto-otohon.

PODA 14:22

Jagitonmu do pos ni roha dohot hasangapan muda dikarejohon ho na pade, tapi muda na jat do dikarejohon ho madung sala ho disi.

PODA 3:27

Intap ni na tarbaen ho, baen ma na denggan tu angka halak na manghaporluhon hadenggananmu.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

JESAYA 29:20

I ma ujungna barita ni angka jolma na mamisat halak na asing dohot ganop halak pardosa,

JESAYA 3:14

Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

JESAYA 32:7

Na jahat do halak na bodo i jana sai matua mambaen na jahat do i. Diakalkon ia do i laho mangago halak na pogos marhite gabus dohot na mangambatisa manjagit aturan bagianna humani.

JESAYA 5:8

Marjaya ma hamu! Ditobusi hamu ma angka bagas dohot angka ladang laho manamba sinadonganmunu. Nada sadia honok nari abis ma inganan di halak na asing jana hum hamu sajo noma na maringanan di luat i.

JESAYA 59:3

Harana tanganmu madung diramuni mudar, jana angka jarimu dohot hajahatan; pamanganmu mandokkon gabus, jana dilamu mandokkon na jahat.

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEHESKIEL 11:2

Didok Debata ma tu Au, “Ale jolma parsantongkinan, on ma da angka jolma na mambaen sangkap hajahatan di kota on dohot na mangalehen sipaingot na paliluhon.

JEHESKIEL 33:26

Podangmunu i do dipangasahon hamu. Sihagigian do na nibaenmunu. Sude do hamu marmainan. Puluk dope he hamu mandok hamu nampuna tano on?

JEHESKIEL 38:10

Didok Tuhan Debata i ma tu si Gog, “Baenonmu ma di hatiha i sangkap na jahat.

JEHESKIEL 46:18

Saotik pe nada tola buaton ni parkuaso i anggo sian arta pusako ni rayatna i. Hum tanonia sandiri do na tola lehenonnia tu angka anaknia, anso ulang adong sahalak pe sian bangsongKi na disirang sian sinadonganna.”

MIKA 6:12

Angka halak na mora di hutamu mamoroi do sian halak na pogos, jana pargabus do hamu sudena.

NAHUM 1:11

Madung ruar sian ho, ale Ninive, sada halak na gok tahi na jahat. Na mambaen tahi do ia laho mangalo Tuhan.

ZAKARIA 7:10

Ulang pisat hamu angka na mabalu, angka dakdanak na so marama so marina, angka halak na asing na maringanan di tonga-tongamunu, sanga na tu ise pe tehe na di bagasan hasusaan. Jana ulang baen hamu muse sangkap na jahat tu hamu sama hamu.’

MARKUS 15:1

Jadi sogot dope diompoti parrapot Godang i ma sude, dohot angka sintua ni malim, bagian hatobangon ni halak Jahudi dohot angka Siboto Surat mambaen partahian. Dirante halahi ma Jesus, dung i dioban ma Ia tu si Latus laho pasahatkon Ia tu si Latus.

LUKAS 20:19

Diboto angka Siboto Surat ni Jahudi dohot angka kapala ni malim i do na tu halahi tujuan ni Jesus di umpama i. Hara ni i giot tangkupon ni halahi ma Jesus, tapi mabiar halahi mida angka jolma i.

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

BAENON NI ANGKA RASUL 23:12

Manyogotna i, adong ma halak Jahudi marlagut mambaen kompolotan. Disumpahon halahi ma na so ra halahi mangan sanga minum anggo so jolo dibunu halahi si Paulus.

BAENON NI ANGKA RASUL 23:15

Antong hamu angka dongan dohot angka anggota ni Mahkamah Ugamo i, baen hamu ma surat tu komandan ni tentara Rom i mangido anso dioban ia si Paulus mangulahi mangadop tu hamu. Jadi tarsongon na giot paresoonmunu ma parkaronia i tumangkas mangulahi. Tapi anggo hami madung rade laho mamunu ia dompak so lalu dope tuson.”

SURAT NI SI PAULUS TU PARLAGUTAN ROM 1:30

manilakoi halak na asing; angka na mangapasi Debata, mangasahon hagogoanna sajo, jungkat ni roha, mamuji dirina, angka na mangajarkon hajahatan, na so mangoloi natorasna;

PANGARATAION 28:32

Di jolo ni matamu lehenon ma anak dohot borumu gabe hatoban tu halak sileban. Maniak ma matamunu ganop ari hara ni na manjalahi dakdanakmunu i, hape magopo do angke nada mulak be halahi.