MIKA 1:8 - BIBEL JAMITA NA DENGGAN

⁸ Dung i ning si Mika ma: “Hara ni i do umbaen na marsak au jana tumatangis hara ni arsak ni rohangku, kehe ma au mardalan nada marsolop jana nada marpakean. Sai marauang ma au songon sorigala jana sai mangandungi songon unggas unto.

MIKA 1:8 ပူးပေါင်းရင်းမြစ်များ

2 RAJA-RAJA 18:13

Di taon paopat bolaskon dung mamarenta Raja Hiskia, diporangi si Sanherib raja ni Asur ma angka kota na marbenteng di Juda lopus ditaluhon.

ESTER 4:1

Dung tarbege tu si Mordehai salaho tu na masa i, disibakkon ia ma pakeannia jana dipake ia ma abit goni tanda ni arsak ni roha. Disaburkon ia ma abuan tu ulunia, lalu mardalani ma ia di kota i tangis gogo jana dangol.

JOB 30:29

Soraniba ibo roha umbegesa songon partangis ni unggas unto dohot sorigala.

MASMUR 102:6

Tudos ma au tu unggas rande di parhorsihan, songon sipauk di sego-sego ni huta na mamolngit.

JESAYA 13:21

Inganan ni angka binatang riar noma i. Pature asar ma disi unggas sipauk, jana maringanan ma disi unggas unto. Manortori ma di holang-kolang ni sego-segona i angka hambeng harangan.

JESAYA 13:22

Marauang angka anjing harangan dohot sorigala sian palas-palas ni bagas siomagodangna dohot sian bagas ni Babel. Dapot ne ma hatihana, jana umurna nada dipaginjang.”

JESAYA 16:9

Saonnari manangisi bona ni anggur Sibma noma au songon na manangisi Jaeser. Marilu-ilu au baen di Hesbon dohot di Eleale, dibaen nada adong panen hara ni porang.

JESAYA 21:3

Patunda ni parnidaan i gabe mabiar jana hancitan ma au songon dadaboru na topet manubuhon dakdanak.

JESAYA 22:4

Jadi gabe hudok ma, “Padao ma panailimu sian au. Tadingkon ma sasada au mangandungi di bagasan hapaeton, ulang be sai apoi au hara ni hamamago ni boru ni bangsongku.

JESAYA 32:11

Mabiar ma hamu ale angka dadaboru na sonang, humitir ma hamu ale angka dadaboru na dame, buka ma abitmu jana pake ma abit goni.

JEREMIA 4:19

Iale hancit ni rohangkon, jana na dangol ma antong di au on. Nada be tarpompom au diringku gumadobur taroktokku, angke hubege do sarune mangkulingi, jana sora ni surak-surak porang marsaringari.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

JEREMIA 9:10

Au si Jeremia, hudok ma, “Tangis ma au jana marsak hara ni padang dohot angka dolok na dung mahiang mangkarogang boti nada dibolus-bolus halak. Nada habegean be sora ni pahan-pahanan, marlojongi sude unggas dohot sude pahan-pahanan.”

JEREMIA 9:19

Tarbege ma sora ni na tangis di Sion, “Mago do hita jana dipaila. Tadingkononta ma hape tanonta, masego ma angka bagasta.”

JEHESKIEL 32:18

“Ale anak ni jolma, mangandung ma ho hara ni rayat na di Mesir. Tongoskon ma halahi tu inganan ni jolma na mate rap dohot angka luat na gogo-gogo na asing i.

MIKA 2:4

Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

1 SAMUEL 19:24

Dung lalu disi, ditanggali ia pakeannia jana manortor ma ia dohot marsurak-surak di jolo ni si Samuel, lopus tinggang tu tano marsaemara sadari i lopus bornginna i. (On ma mula ni pandohan, “Na gabe panurirang dehe dohot si Saul?”)