MIKA 1:6 - BIBEL JAMITA NA DENGGAN

⁶ I do umbaen na nidok ni Tuhan: “BaenonKu ma Samaria gabe timbunan ni batu di tonga padang dohot panyuanan ni bona ni anggur baenon ni halak. AmbungkononKu tapor-tapor ni kota i tu bagasan holbung jana bungkaronKu angka jongjonganna i.

MIKA 1:6 ပူးပေါင်းရင်းမြစ်များ

2 SAMUEL 17:13

Sugari marlojong ia tu bagasan sada kota, buaton ni rayatta i ma tali jana saratonna ma kota i lalu dabuhonon ni halahi tubagasan rura na donok tu kota i. Sada batu pe nada adong na tading baenonna di ginjang ni tor i.”

2 RAJA-RAJA 18:10

Dung dihobuk tolu taon, madabu ma Samaria; di taon paonomkon ma i masa dung mamarenta si Hiskia jana di taon pasambilankon dung mamarenta si Hosea.

2 RAJA-RAJA 18:9

Di taon paopatkon dung mamarenta si Hiskia, i ma taon papituhon dung mamarenta Raja Hosea di Israel, ro ma si Salmaneser raja ni Asur mamorangi Israel jana dihobuk ia Samaria.

2 RAJA-RAJA 19:25

“Na so unjung dope ulaning dibege ho, na Husangkaphon hian do sudena i sian narobi? Jana saonnari ma i Hupatulus. Au do da na mangalehen kuaso tu ho laho mangaroncohon angka kota na marbenteng gabe tinggal tapor-taporna.

JESAYA 17:1

Didok Debata, “Nada marrumangkon kota be Damaskus, tapi hum na sego-sego sajo noma.

JESAYA 25:12

RumpakkononNia ma angka benteng ni Moab dohot angka tembokna na gincat-gincat i pe lopus magopu songon abuan.

JESAYA 25:2

Angka kota dibaen Ho gabe lobu, angka bentengna i sarge manghagopu. Bagas Godang na nipajongjong ni musu madung soada nada patureon be i salolot-lolotna.

JEREMIA 31:5

Mambuka kobun anggur ma hamu di dolok na di Samaria jana putihon ni na manyuan ma batu ni anggurna.

JEREMIA 51:25

O ale Babel, tudos tu dolok do ho na mangaroncohon sude portibi on. Tapi Au Tuhan giot mangalo ho. TarihonKu ma ho jana Hupabalik jana Hupadiar puntung gabe tiranggong.

JEREMIA 51:37

Timbunan ni na marsegoan noma luat i, inganan partabunian ni anjing riar. Jorbut hilalaon ni halak marnidasa jana sahalak pe nada adong na ra maringanan disi.

JEREMIA 9:11

Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

ANDUNG 4:1

Sere na marlinang i ma pola mondap madung marserak di dalan i angka batu ni Bagas Ni Debata.

JEHESKIEL 13:14

Madung marniet Au laho mangarumpakkon tembok na nikapurmunu i, giot sarsarkononKu i lopus tinggal ojahanna i sajo. Dondonan ni tembok i ma hamu jana i noma mambaen mate hamu sudena. Jadi gabe botoonmunu ma bahaso Au do Tuhan.

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

HABAKUK 3:13

Mardalan ma Ho tu jolo laho paluahon bangsoMi dohot mambaen malua raja na nitodoMi. Dipukul Ho do dabu pamimpin ni halak na so hasaya, dihais Ho sude na mangihut tusia.

MATEUS 24:2

Dung i didok Jesus ma tu halahi, “Parrohahon hamu ma sudena i, harana sada batu pe nada tola tinggal susun di ingananna hian. Angkon hona gargar sude.”