MIKA 1:12 - BIBEL JAMITA NA DENGGAN

¹² Sak do roha ni halak Marot mararop roha di pangurupion, dibaen madung lalu parmaraan godang na sian Tuhan di jolo ni pintu horbangan ni Jerusalem.

MIKA 1:12 ပူးပေါင်းရင်းမြစ်များ

JOB 30:26

Sai diarop rohangku do tua dohot na torang, hape susa dohot hagolapan do marroan.

JESAYA 45:7

Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 8:15

Nada marguna arop rohanta di hadameon dohot hatiha na pamalumkon, angke hum na mangasahon gogo do na adong.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

MIKA 1:9

Nada tarpamalum be gasa ni Samaria, jana laing hona muse ma pangalaho na sarupa tu Juda. Ma pola lalu parmaraan godang tu pintu horbangan ni Jerusalem, inganan ni bangsongku.”

RUT 1:20

“Ulang goari au si Naomi,” ning si Naomi, “si Mara ma au goari hamu, angke madung dipadiar Debata Na Markuaso i do au mangolu gok hapaeton.

1 SAMUEL 4:13

Topet do juguk di karosi di topi dalan i si Eli matondo mangarsakkon haluaan ni Poti Parjanjian ni Tuhan i. Di na nibaritahon ni bayo i na dung talu Israel, mangangguhi ma gogo sude halak na di kota i.