MIKA 1:11 - BIBEL JAMITA NA DENGGAN

¹¹ Hamu na maringanan di Safir, kehe ma hamu tu habuangan nada marpakean jana mardongan ila ni roha! Angka halak Zaanan nada puluk ruar sian kotana. Angguk ni halak Bet-Haesel, i ma patuduhon tu hamu na so adong be pangondian disi.

MIKA 1:11 ပူးပေါင်းရင်းမြစ်များ

JESAYA 16:2

Songon unggas na diayak sian asarna, songon i ma bujing-bujing ni Moab pahae-pahulu di topi ni Batang aek Arnon.

JESAYA 20:4

Tabanon ni raja Asur ma angka jolma sian luat na dua i jana na giot iringon ma halahi marsae mara. Na tobang dohot na poso, mardalan ma sudena i so marpakean dohot na so marsolop, tarida pantatna i, laho palayaskon Mesir.

JEREMIA 13:22

Betak sapa-sapa hamu biasi ro i tu hamu, biasi disibakkon pakeanmunu jana dibaen tu hamu roha-rohana. Patut angkon botoonmunu, patunda ni na magodangtu do dosamunu umbaen na tarjadi sudena i.

JEREMIA 48:6

Didok halahi, ‘Ompoti! Palua hosamu! Lojongi songon halode riar di halongonan!’

JEREMIA 48:9

Lehen ma habong tu Moab anso kehe ia habang; angka kotana angkon gabe lobu, nada adong na manginganisa.”

JEHESKIEL 16:37

Jadi hara ni i, palagutonKu ma sude angka haholongan ni rohami humani, hasudungan ni rohamu dohot goyak ni rohamu. Jongjong ma halahi manghuliangi ho jana talgangan ni halahi ma sude pakeanmu, jabat idaon ni mata ni halahi pamatangmu na marsaemara i.

JEHESKIEL 23:29

Dibaen goyak do roha ni halahi tu ho, rampason ni halahi ma sude suha ni halolojamu. Tadingkononna ma ho nada adong sada bonang alit di pamatangmu songon dadaboru panggampang jana gabe sitontonon ni halak na bahat. Patunda ni gintalna ma hagiotmu dohot hajorngangonmu,

MIKA 1:8

Dung i ning si Mika ma: “Hara ni i do umbaen na marsak au jana tumatangis hara ni arsak ni rohangku, kehe ma au mardalan nada marsolop jana nada marpakean. Sai marauang ma au songon sorigala jana sai mangandungi songon unggas unto.

NAHUM 3:5

Didok Tuhan Na Markuaso i ma, “Ligi da Au noma gabe alomu, sintakonKu ma ujung ni abitmi lopus tu bohimu jana giot patidahonon ma hahailamu tu angka bangso dohot dongan magodangmu tu angka harajaan.

ZAKARIA 14:5

Marlojongi ma hamu mamolus sian lombang na mambagi dolok i gabe marbola dua. Marlojongi ma hamu songon angka ompu na umpompar hamu di hamamasa ni lalo taran mamarenta si Usia raja ni Juda. Jadi ro ma antong Tuhan Debatangku, diudurkon Surusuruan sudena.

JOSUA 15:37

Masuk muse dope Zenan, Hadasa, Migdalgad, Dilean, Mispa, Jokteel, Lakis, Boskat, Eglon, Kabon, Lahmas, Kitlis, Gederot, Bet-Dagon, Naama dohot Makeda pungu sude onom bolas rap dohot huta na humaliangna.