MIKA 1:10 - BIBEL JAMITA NA DENGGAN

¹⁰ Ulang paboa-boa hamu hataluonmunu i tu musumunu di Gat; ulang padiar hamu diida halahi tangis hamu. Ale hamu halak Bet-Le-Afra, margiling ma hamu di abuan tanda ni pandelean!

MIKA 1:10 ပူးပေါင်းရင်းမြစ်များ

2 SAMUEL 1:20

Ulang nian habotoan i di angka halak na di Gat. Sai ulang habegean di angka banjar na di Askelon barita i. Ulang jabat dadaboru ni Pilistin marsurahi Ulang sanga angka boru ni na so marsunat marsurak manggorai.

JOB 2:8

Dung i juguk ma si Job di ginjang ni rompak na nitimbun, jana dibuat ia ma topik-topik ni ngarngar panghayo ni pamatangnia i.

JEREMIA 6:26

Didok Tuhan ma tu bangsoNia, “Pake hamu ma abit goni jana margiling-giling ma hamu di abuan i. Marsiluluton jana mangandungi ma hamu di bagasan pangkilalaan na dangol songon halak na mangandungi anakna sisada-sada na mate, angke ompot noma hamu roroon ni hamamago.”

ANDUNG 3:29

Tapatoruk ma rohanta jana manyora, harana betak adong dope siaropon ni roha.

AMOS 5:13

Hara ni i halak na marpikir, sip do ia di hatiha i, harana hatiha na jahat do hatiha i.

AMOS 6:10

Muda adong sian na sabagas mangurus kuburan ni na matean, ro ma ia jana ia ma maroban bangke ni sisolkotna i tu balian. Pio-pio ma ia tu jolma na di pudi ni bagasna i, “Adong dope he na mangolu disi rap dohot ho?” Jadi tarbege ma alus mandok, “Nada be!” Dokkonon ni na markarejo mangubur bangke ia ma, “Ulang be mangkatai ho! Nada tola dokkononta goar ni Tuhan.”

JOSUA 18:23

Awim, Para, Ofra,