MIKA 1:1 - BIBEL JAMITA NA DENGGAN

¹ Marasal sian sada kota na menek do si Mika i ma sian kota Moreset. Di na marudut-udut mamarenta di Juda Raja Jotam, Raja Ahas dohot Raja Hiskia, disi ma dilehen Tuhan tonaNia tu si Mika taringot tu Samaria dohot Jerusalem.

MIKA 1:1 ပူးပေါင်းရင်းမြစ်များ

2 RAJA-RAJA 15:32

Di taon paduahon mamarenta Raja Pekah anak ni si Remalia di Israel, gabe raja ma si Jotam anak ni si Usia di Juda.

2 RAJA-RAJA 15:5

Huliton do ia dibaen Tuhan, jorbut sajo. Hara ni na so marnamalum nyaenia i, gabe dipaasing ma ia di sada bagas, jana dipalua ma ia sian angka karejonia lopus mate ia. Anaknia na margoar si Jotam ma mamarenta rayat i songon wakilnia.

2 RAJA-RAJA 16:1

Di taon papitu bolaskon mamarenta Raja Pekah anak ni si Remalia di Israel, gabe raja ma si Ahas anak ni si Jotam di Juda.

2 RAJA-RAJA 18:1

Di taon patoluhon mamarenta Raja Hosea anak ni si Ela di Israel, gabe raja ma si Hiskia anak ni si Ahas di Juda.

2 JUJUR TAON 28:1

Marumur dua pulu taon ma si Ahas di na gabe raja, jana onom bolas taon lolotna ia di Jerusalem mamarenta. Nada diihutkon ia tiruan na denggan na sian Raja Daud, tapi dipambaeni ia do na so pasonang roha ni Tuhan.

2 JUJUR TAON 29:1

Marumur dua pulu lima taon si Hiskia di na gabe raja ia di Juda jana dua pulu sambilan taon lolotna ia mamarenta di Jerusalem. Si Abia do goar ni inangnia boru ni si Zakaria.

JESAYA 1:1

Marisi angka tona do buku on salaho tu Juda dohot Jerusalem na nipatorang ni Debata tu si Jesaya, anak ni si Amos, di hatiha ni si Usia, si Jotam, si Ahas dohot si Hiskia mamarenta di Juda.

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

JESAYA 7:1

Di hatiha ni Raja Ahas anak ni si Jotam, pahompu ni si Usia na mamarenta di Juda, masa ma porang. Satahi ma si Resin raja ni Siria dohot si Pekah anak ni si Remalya raja ni Israel. Diporangi halahi ma Jerusalem, tapi nada tartaluhonsa.

JESAYA 7:9

Samaria i ma kota sabungan ni Efraim, anak ni si Remalya ma rajana. Muda nada porsaya hamu, bagi na bia pe nada martahan hamu.”

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

HOSEA 1:1

On ma tona na nilehen ni Tuhan tu si Hosea anak ni si Beeri taran marudut-udut Juda diparenta angka raja, si Usia, si Jotam, si Ahas, dohot si Hiskia, jana Israel diparenta si Jerobeam anak ni si Joas.

HOSEA 4:15

Ale hamu halak Israel, haru pe nada unduk hamu tu Au, sai ulang ma nian dohot Juda mambaen hasalaan na nibaenmunu i! Ulang maribadat di Gilgal sanga di Bet-Awen. Ulang baen hamu janji disi mangasahon goar ni Tuhan na mangolu i.

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

AMOS 1:1

Hata salaho tu si Amos, sada halak parmahan sian kota Tekoa, taringot tu Israel di hatiha Raja Usia mamarenta di tano Juda jana Raja Jerobeam anak ni si Joas mamarenta di Israel, dua taon painte so ro lalo.

AMOS 6:1

Marjaya ma hamu na sonang mangolu di Sion, dohot hamu na aman pangkilalaanna di Samaria – hamu angka panangian ni masarakat ni bangso Israel na godang on, hamu angka na somal ditopot-topot rayat.

MIKA 1:5

Tarjadi pe sudena i hara ni na mardosa jana mangalo do halak Israel tu Debata. Ise dehe na sala umbaen jabat Israel mardosa? Nada he Samaria kota sabunganna sandiri do? Ise dehe na sala umbaen jabat Jerusalem marsomba gana-ganaan? Nada he Jerusalem sambing do?

MIKA 3:9

Tangihon hamu ma angka hatangkon, ale hamu angka parkuaso ni Israel na magigi mida hatigoran jana na pabalik-balikkon na tutu.

HABAKUK 1:1

On ma tona na nipatorang ni Tuhan tu Panurirang Habakuk.

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.