MATEUS 9:9 - BIBEL JAMITA NA DENGGAN

⁹ Jadi kehe ma Jesus sian i. Jadi taran mardalan Ia, diida Ia ma sada bayo na margoar si Mateus juguk di kantor pajakna. Dipiohon Jesus ma bayo i, “Beta ma, ihutkon Au!” Jongjong ma si Mateus mangihutkon Jesus.

MATEUS 9:9 ပူးပေါင်းရင်းမြစ်များ

ESRA 4:13

Anggo jabat do lalu sidung dipajongjong, indangkon na ra be halak na maringanan disi manggarar pajak. Jadi gabe murak ma pandapotan ni harajaan.

MATEUS 10:3

Dung i muse si Pilipus, si Bartolomeus, si Tomas, si Mateus panjagit pajak i, dung i si Jakobus anak ni si Alfeus, si Tadeus;

MATEUS 20:4

Jadi didok ia ma tu halahi, ‘Dohot ma hamu kehe markarejo di kobun anggurki. Hulehen pe upa na patut di hamu.’

MATEUS 8:22

Tapi dialusi Jesus ma, “Ihutkon ma Au, jana padiar ma halak na mate manguburkon na matena sandiri,” ning Ia.

MATEUS 9:10

Jadi hatiha mangan Jesus di bagas ni si Mateus i, marroan ma angka panjagit pajak dohot angka pardosa. Dohot ma halahi mangan rap dohot Jesus dohot angka anak siseanNia i.

MARKUS 3:18

Si Andreas, si Pilipus, si Bartolomeus, si Mateus, si Tomas, si Jakobus anak ni si Alfeus, si Tadeus, si Simon sian Kana,

LUKAS 6:15

si Mateus dohot si Tomas, si Jakobus anak ni si Alfeus dohot si Simon (na nigoaran halak Zelot),

BAENON NI ANGKA RASUL 1:13

Dung di Jerusalem, masuk ma halahi tu bagas panompangan ni halahi i torus tu kamar na di lotengna i. Angka on ma goar-goar ni rasul i: Si Petrus dohot si Johannes, si Jakobus dohot si Andreas, si Pilipus dohot si Tomas, si Bartolomeus dohot si Mateus, si Jakobus anak ni si Alpeus, si Simon Ulubalang i dohot si Judas anak ni si Jakobus;

GALATIA 1:16

Dipatidahon Debata do AnakNia i tu au jana markite-hite au anso nijamitahon Jamita Na Denggan taringot tu AnakNa i tu halak na so Jahudi. Nada pola mangido tahi au sanga na tu ise disi.