MATEUS 9:6 - BIBEL JAMITA NA DENGGAN

⁶ Giot patidahononKu tu hamu na markuaso do di tano on Anak Ni Jolma i laho manyesa dosa.” Dung i didok Jesus ma tu na onyangon i, “Jongjong ma ho, oban podomanmi, kehe ma ho mulak!”

MATEUS 9:6 ပူးပေါင်းရင်းမြစ်များ

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

MATEUS 9:2

Jadi ro ma halak maroban sada bayo na onyangon payak di podomanna. Di na niida ni Jesus godang ni haporsayaan ni halahi, ning Ia ma tu na onyangon i, “Papos ma rohamu, amang! Madung nisesa dosamu.”

MATEUS 9:5

Dia do ummura dohonon ‘Madung nisesa dosamu?’, ulang pado mandok, ‘Jongjong ma ho, anso mardalan?’

MATEUS 9:7

Jongjong ma bayo i, mulak ma ia tu bagasnia.

MARKUS 2:10

Anso Hupatidahon di hamu bahaso na markuaso do Anak Ni Jolma i, laho manyesa dosa di ginjang tano on.” Didok Jesus ma tu na onyangon i,

MARKUS 2:7

“Na puluk ma antong bayo on mangincahi Debata songon i! Ise ma he na tarbaen manyesa dosa, anggo so Debata sandiri?” ning roha ni halahi.

LUKAS 5:21

Mamungka ma mangkatai na sada tu na asing angka Siboto Surat dohot angka Parise i, ninna ma, “Ise dehe na mangincahi Debata on? Ise ma he lakna na tarbaen manyesa dosa ia so hum Debata?”

JOHANNES 10:28

Hulehen do di halahi hangoluan na so ra mantak. Bagi na bia pe nada mate halahi, jana nada tarrampas sanga ise pe halahi sian parmahanionKu.

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

JOHANNES 5:27

Madung dilehen Ia kuaso tu AnakNia laho manontuhon uhuman, harana Anak Ni Jolma i do Ia.

JOHANNES 5:8

Gabe didok Jesus ma tusia, “Jongjong ma ho, oban lagemi jana mardalan ma ho.”

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

BAENON NI ANGKA RASUL 9:34

Didok si Petrus ma tu bayo i, “Jesus Kristus do pamalumkon ho, Eneas! Jongjong ma ho, hobasi ma podomanmi,” ning ia. Di na santongkin i manigor jongjong ma si Eneas.

2 KORINTUS 2:10

Muda diampuni hamu halak na marsala tu hamu, au pe huampuni ma halakna i. Harana, sanga ise na huampuni – muda adong ma siampunan – di adopan ni Kristus do i huampuni laho padenggankon hamu.

2 KORINTUS 5:20

Partonaan ni Kristus do hami. Mandok hata pe hami tu hamu, songon na Debata sandiri do na mangkobari tu hamu. Mangasahon goar ni Kristus gomos ma hami pangido tu hamu, sai ra ma hamu dipadenggan dohot Debata.

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

KOLOSSE 3:13

Angkon sobar do hamu maradopkon dongan jana marsimaapan muda adong na so tabo pangkilalaanna tu donganna. Madung di ampuni Tuhan hamu, jadi hamu pe angkon marsiampunan do sama hamu.