MATEUS 9:36 - BIBEL JAMITA NA DENGGAN

³⁶ Di na niida ni Jesus halak na bahat i, ibo ma rohaNia marnida halahi, angke lebak boti gale do halahi idaon songon biri-biri na so marparmahan.

MATEUS 9:36 ပူးပေါင်းရင်းမြစ်များ

1 RAJA-RAJA 22:17

Dialusi si Mika ma, “Huida do tentara ni halak Israel marserak di dolok-dolok. Songon biri-biri na so marparmahan do halahi. Jadi hara ni i gabe didok Tuhan do salaho tu halahi, ‘Nada adong pamimpin ni angka jolma on; padiar ma mulak halahi di bagasan hatorkisan.’ ”

2 JUJUR TAON 18:16

Dialusi si Mika ma, “Huida do marserak tentara ni Israel di dolok-dolok. Songon biri-biri na so marparmahan do halahi, jana didok Tuhan do salaho tu halahi, ‘Na so adong do pamimpin ni angka jolma on; padiar ma marmulahan halahi marhorasan.’ ”

JESAYA 13:14

Halak na asing na maringanan di Babel lari ma i tu luatna be; marserak noma halahi songon ursa na marlojong sian parburu sanga songon biri-biri sahulanan na so marparmahan.

JEREMIA 50:6

Tudos ma bangsongKi tu biri-biri na dipadiar ni parmahanna lilu di dolok. Maot-aot ma halahi sian dolok na sada tu na sada nari nada diboto halahi be bara ni halahi.

ZAKARIA 10:2

Mangido angka panogu-noguon do halak tu angka gana-ganaan dohot angka datu, hape anggo alus na dapot ni halahi hum gabus do dohot hata na rumar sajo. Adong ma i na patorangkon nipi, hape na palilu-liluhon hamu sajo do hatorangan ni halahi, jana apo-apo na nilehen ni halahi pe nada adong artina. Patunda ni i gabe marserak ma jolma i songon biri-biri na lilu. Targogot do halahi hara ni na so adong pamimpinna.

ZAKARIA 11:16

Angke giot tugaskononKu ma sada parmahan laho manjago punguan ni biri-biringKu, tapi nada urupannia biri-biri na di bagasan parmaraan godang; nada jalahannia biri-biri na lilu nada ubatannia muse biri-biri na mabugang, jana nada lehenonnia muse mangan biri-biri na malua sian parmaraan. Mur ia sandiri do mamangani juhut ni biri-biri na ummokmokna i jana diumpati ia sisilon ni pahan-pahanan i.

BILANGAN 27:17

Sada halak na tarbaen gabe panglima muda masa porang. Ulang ma padiar bangsomon songon habanan ni biri-biri na so marparmahan.”

MATEUS 10:6

Tapi topot hamu ma angka biri-biri na mago sian pomparan ni Israel.

MATEUS 14:14

Jadi di na mijur Jesus sian parau i, diida Ia ma halak na bahat i. Gabe ibo ma rohaNia mida halahi. Dipamalum Ia ma sanga ise na marnyae sian halahi.

MATEUS 15:24

Dialusi Jesus ma, “Hum tu angka biri-biri na lilu sian tonga-tonga ni Israel do Au disuru.”

MATEUS 15:32

Dung i dipiohon Jesus ma angka anak siseanNia i, didok Ia ma tu halahi, “Ibo do rohangKu mida halak na bahat on. Tolu ari ma halahi dison rap dohot Au. Hape so adong be sanga na aha panganon ni halahi. Nada tarpadiar Au halahi mulak anggo so jolo mangan. Gale-gale halahi naron di dalan i hara ni na tangkuraparon.”

MARKUS 6:34

Jadi dung mijur Jesus sian parau i, diida Ia ma, hape ma disi halak na bahat i. Ibo ma rohaNia mida halahi angke songon biri-biri na so diparmahani do halahi diida Ia. Ia pe antong mamungka ma mangajari halahi. Bahat do na niajarkonNia tu halahi.

MARKUS 8:2

“Ibo do rohangKu mida halak on. Ma pola tolu ari halahi dison rap dohot Au, hape saonnari so adong be panganon ni halahi.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

IBRANI 5:2

Laing gale do Malim Godang i di ragam-ragam ni pangalaho, tapi haru songon i pe laing tarbaen ia muse dope marlambok ni roha maradopkon angka halak na so umboto sanga aha jana na lilu pardalananna.