MATEUS 9:35 - BIBEL JAMITA NA DENGGAN

³⁵ Songon i ma Jesus mardalani sian kota na sada tu kota na asing, sian huta na sada tu huta na asing. Mangajari ma Ia di angka bagas paribadatan. Dibaritahon Ia ma Jamita Na Denggan taringot tu Harajaan Ni Debata. Dipamalum Ia ma ragam-ragam ni nyae dohot sitaonon ni halak na mardangol.

MATEUS 9:35 ပူးပေါင်းရင်းမြစ်များ

MATEUS 10:1

Di na sadari dipiohon Jesus ma anak siseanNia na dua bolas halak i anso marlagut. Dung i dilehen Ia ma kuaso di halahi laho mangusir angka setan dohot pamalum ragam-ragam ni nyae dohot sude pamalum na cacat.

MATEUS 11:1

Jadi dung ditonai Jesus angka anak siseanNia na dua bolas i, kehe ma Ia sian i. Mangajari ma Ia paboahon jamita taringot tu Debata di angka kota na donok-donok disi.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MARKUS 1:14

Dung tarhurung si Johannes, kehe ma Jesus tu Galilea. Dijamitahon Ia ma disi Jamita Na Denggan na sian Debata.

MARKUS 6:56

Sanga na tu dia pe Ia kehe, tu angka kota, angka huta, sai marroan do halak marobani angka na marnyae. Gomos ma dipangido halahi anso dipatola Ia angka na marnyae i, hum manjama rambu ni baju ni Jesus. Jadi sude na manjama i, malum do.

MARKUS 6:6

Homang ma rohaNia hara ni na so ra i halahi porsaya. Dung i gabe kehe ma Jesus tu angka huta na donok-donok disi mangajari halak.

LUKAS 13:22

Di pardalanan laho tu Jerusalem dibolusi Jesus do angka kota dohot angka huta jana mangajari disi.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.