MATEUS 9:33 - BIBEL JAMITA NA DENGGAN

³³ Hum dipaorot Jesus setan i manigor tarbaen ia ma mangkobari mangulahi. Homang ma roha ni halak na disi i. Angke didok halahi ma, “Na so unjung dope hami ida na songon on di Israel on!”

MATEUS 9:33 ပူးပေါင်းရင်းမြစ်များ

2 RAJA-RAJA 5:8

Tarbege ma tu Panurirang Elisa pangalaho i jadi ditonahon ia ma tu raja i songon on, “Biasi sak rohamu? Tu au ma suruhon bayo i anso diboto ia na adong do sahalak panurirang di Israel on!”

MASMUR 76:1

Tarbonggal do Debata di Juda di Israel tarbarita do goarNia.

JESAYA 35:6

Marhujingjang ma halak na lumpuon songon ursa, marsurak ma halak na ngungu marjop ni roha. Di padang parhorsihan ruar ma mual ni aek, di padang halongonan mardalan ma batang aek.

JEREMIA 32:20

Narobi dibaen Ho do angka tanda dohot hahomangan di Mesir, jana torus dibaen Ho songon i lopus tu sadari on di tonga-tonga ni bangso Israel dohot di tonga-tonga ni angka bangso, gabe tarbonggal goarMu di sude inganan.

MATEUS 8:10

Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

MATEUS 9:32

Dung kehe halahi, ro ma halak maroban sada halak na ngungu na hona setan.

MARKUS 2:12

Di jolo ni halak na bahat i, jongjong ma manigor halak na onyangon i, dioban ia lagenia i kehe ma ia mardalan. Homang-homang ma sude halak na disi i, dipuji halahi ma Debata. Didok halahi ma, “Inda unjung dope hami ida tarjadi na songon on!”

LUKAS 11:14

Sanoli dipaorot Jesus ma tondi na jahat na mambaen ngungu sada halak. Dung ruar tondi na jahat i, mamungka ma na ngungu i mangkatai. Homang-komang ma halak,

LUKAS 7:9

Homang ma roha ni Jesus umbege i. Ditailihon Ia ma tu halak na bahat i na mangihutkon Ia, ning Ia ma, “Na hebat do bayo on. Salang di halak Israel nada unjung dope marsuo Au tu haporsayaan na songon haporsayaan ni bayo on!”