MATEUS 9:30 - BIBEL JAMITA NA DENGGAN

³⁰ Gabe marnida ma mata ni halahi. Jadi dipaingot ma halahi, tangkas digogohon Ia anso ulang dipaboa-boa halahi pangalaho i sanga na tu ise pe.

MATEUS 9:30 ပူးပေါင်းရင်းမြစ်များ

MASMUR 146:8

jana dibuka Ia do mata ni halak na mapitung. Ditogu Ia do halak na tinggang, jana dihaholongi Ia halak na tigor.

JESAYA 35:5

Ungkapon ma mata ni na mapitung, sumuang ma parbinegean ni na maingol.

JESAYA 42:7

laho mambuka mata na mapitung; laho paruarkon na hona uhum sian bagas hurungan, angka halak na juguk di bagasan hagolapan sian hurungan.

JESAYA 52:13

Satutuna, monang do naposongKu, pagincaton do ia, dipuji-puji jana dipasangap.

MATEUS 12:16

Tapi dilarang Ia ma, anso ulang dipaboa-boa halahi sanga na tu ise taringot tu sude na nibaenNia i.

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 8:4

Dung i didok Jesus ma tusia, “Ingot ma! Ulang caritohon na masa on sanga na tu ise pe. Tapi kehe ma ho manopot malim, patidahon ma dirimu. Jadi lehen ma haulmu hombar tu na nidok ni si Musa, anso diboto halak na dung malum ho!”

MARKUS 1:43

Dung i disuru Jesus ma mulak bayo i dung jolo digogohon Ia,

MARKUS 3:12

Tapi dipaksa Jesus do anso ulang dipaboa-boa tu halak, sanga ise Ia.

MARKUS 5:43

Tapi gomos ma dipaingot Jesus halahi sude anso ulang dipaboa-boa pangalaho na masa i sanga na tu ise pe. Dung i disuru Ia ma anso dilehen halahi mangan dakdanak i.

LUKAS 5:14

Dung i dilarang Jesus ma bayo i anso ulang dicaritohon ia taringot tusi sanga na tu ise pe. Torus tu malim do disuru Jesus bayo i. “Pangido ma anso dipareso malim ho, dung i kehe ma ho pasahatkon haul hombar tu na nitontuhon ni si Musa laho patandahon tu halak na bahat, bahaso na dung malum ho.”

LUKAS 8:56

Homang sajo ma roha ni natoras ni dakdanak i. Tapi dirarang Jesus ma halahi anso ulang dipaboa-boa na masa i sanga na tu ise pe.