MATEUS 9:28 - BIBEL JAMITA NA DENGGAN

²⁸ Di na masuk Jesus tu sada bagas, manigor ro ma na mapitung na dua i mandapotkon Ia. Jadi ninna Jesus ma manyapai halahi, “Porsaya dehe hamu, tarpamalum Au hamu?” “Porsaya do hami Tuhan!” ninna halahi.

MATEUS 9:28 ပူးပေါင်းရင်းမြစ်များ

1 RAJA-RAJA 17:16

Boti songon na nidok ni Tuhan tu si Elia, anggo mangkuk i laing na torus ma i marisi topung jana botol i pe torus marisi miak.

MATEUS 13:1

Laing di na sadari i, kehe ma Jesus sian bagas i tu topi ni dano. Disi ma Ia juguk.

MATEUS 13:36

Dung i ditinggalkon Jesus ma halak na bahat i. Mulak ma Ia. Dung i ro ma anak siseanNia i mandapotkon Ia laho manyapai, “Paboa ma tu hami, sanga aha do astuan ni umpama taringot tu simareme-eme na di ladang i.”

MATEUS 13:58

Hara ni i, gabe nada bahat hahomangan dibaen Jesus disi. Hara ni na so porsaya i halahi.

MATEUS 8:14

Kehe ma Jesus tu bagas ni si Petrus. Diida ia ma disi nantulang ni si Petrus topet marun.

MATEUS 8:2

Jadi ro ma sada halak na huliton. Manungkap ma ia marsomba tu Jesus. Didok ia ma, “O, Tuan! Sugari ra Ho, tarpamalum Ho do au.”

MATEUS 9:22

Tapi manaili ma Jesus tu pudi, diida Ia ma anak boru i. Didok Ia ma, “Pos ma rohamu inang! Madung dipalua haporsayaanmi ho!” Santongkin i manigor malum ma nyae ni anak boru i.

MATEUS 9:27

Di na kehe Jesus sian i, ro ma dua halak na mapitung mangihutkon Ia. Pio-pio ma halahi, “O, anak ni si Daud, ibo ma rohaMu mida hami!”

MATEUS 9:29

Gabe dijama Jesus ma mata ni halahi, didok ma, “Tulus ma di hamu marguru tu haporsayaanmunu!”

JOHANNES 11:26

Halak na mangolu jana na porsaya tu Au, nada mate be ia salolot-lolotna. Porsaya dehe ho disi?”

JOHANNES 11:40

Didok Jesus ma tu si Marta, “Na he madung Hudok tu ho: Anggo porsaya ho, idaonmu do hasangapan ni Debata!”

BAENON NI ANGKA RASUL 14:9

Juguk ma bayo i disi manangi-nangihon si Paulus na mandok hata i. Diida si Paulus porsaya do bayo i, jadi tarpamalum do ia. Jadi ditatap si Paulus ma tusia,